ରାୟପୁର, 21/12 : ଏନ୍ଆରସିକୁ ନେଇ ନିଜର ମତ ରଖିଛନ୍ତି ଛତିଶଗଡ ମୁଖ୍ୟମନ୍ତ୍ରୀ ରୂପେଶ ବାଘେଲ । ରାଜ୍ୟରେ ଏନ୍ଆରସି ଲାଗୁ ହେଲେ 50 ପ୍ରତିଶତ ଲୋକ ନାଗରିକତା ପ୍ରମାଶ କରିବାରେ ଅସମର୍ଥ ହେବେ ବୋଲି ବାଘେଲ ମତ ଦେଇଛନ୍ତି । ରାଷ୍ଟ୍ରୀୟ ନାଗରିକ ପଞ୍ଜୀକରଣକୁ ନେଇ ଶୁକ୍ରବାର ସନ୍ଧ୍ୟାରେ ଏହି ମତ ଦେଇଛନ୍ତି ଛତିଶଗଡ ମୁଖ୍ୟମନ୍ତ୍ରୀ ରୂପେଶ ବାଘେଲ ।ଛତିଶଗଡର ଅଧିକ ଜନତା ନିରକ୍ଷର ଏବଂ ଅନ୍ୟ ରାଜ୍ୟରେ କାମ କରି ନିଜର ଗୁଜୁରାଣ ମେଣ୍ଟାଇଥାନ୍ତି । ଏନ୍ଆରସି ଲାଗୁ ହେବା ଫଳରେ 50ରୁ 100 ବର୍ଷ ପୂରୂଣା ଦସ୍ତାବିଜ ସାଧାରଣ ଲୋକ କେଉଁଠାରୁ ଆଣିବେ ବୋଲି ବାଘେଲ ପ୍ରଶ୍ନ କରିଛନ୍ତି । 1906 ମସିହାରେ ଦକ୍ଷିଣ ଆଫ୍ରିକାରେ ବ୍ରିଟିଶ ସରକାରଙ୍କ ଭେଦଭାବ ନିୟମ ସହିତ ଏନ୍ଆରସି ସମାନ ବୋଲି ବାଘେଲ କହିଥିଲେ । ମହତ୍ମା ଗାନ୍ଧୀ ସେ ସମୟରେ ଭେଦଭାବକୁ ବିରୋଧ କରିଥିବା ବେଳେ ବର୍ତ୍ତମାନ ଦେଶବାସୀ ଏନ୍ଆରସିକୁ ବିରୋଧ କରୁଛନ୍ତି । ଏହା ସହିତ ଏନ୍ଆରସି ଲାଗୁ ନେଇ ଏନ୍ଡିଏ ସରକାରକୁ ମଧ୍ୟ ସମାଲୋଚନା କରିଥିଲେ ବାଘେଲ । (ଏଜେନ୍ସୀ)
