ନୂଆଦିଲ୍ଲୀ,23/12 : ନୂଆଦିଲ୍ଲୀର ଏକ କପଡା ଗୋଦାମରେ ଅଗ୍ନିକାଣ୍ଡ ଘଟି 9 ଜଣଙ୍କର ପ୍ରାଣହାନି ଘଟିଛି । ରବିବାର ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଥିବା ଜଣାପଡିଛି । ଅଗ୍ନିଶମ ବିଭାଗ ପକ୍ଷରୁ ନିଆଁକୁ ଆୟତ କରାଯାଇଥିବା ବେଳେ 9 ଜଣଙ୍କର ପ୍ରାଣହାନି ଘଟିଛି । କିରାରି ଅଞ୍ଚଳରେ ଏହି ତିନି ମହଲା ବିଶିଷ୍ଟ କପଡା ଗୋଦାମର ତଳ ମହଲାରେ ନିଆଁ ଲାଗିଥିଲା । କୋଠାରେ ଅଗ୍ନି ନିର୍ବାପକ ବ୍ୟବସ୍ଥା ନଥିବା କାରଣରୁ ନିଆଁ ବ୍ୟାପି ଯାଇଥିଲା ଏବଂ ଅଗ୍ନିକାଣ୍ଡରେ 9 ଜଣ ପ୍ରାଣ ହରାଇଥିଲେ । ଏହି ଅଗ୍ନିକାଣ୍ଡରୁ 10 ଜଣଙ୍କୁ ଉଦ୍ଧାର କରିଥିଲା ଅଗ୍ନିଶମ ବିଭାଗ । (ଏଜେନ୍ସୀ)
