ନୂଆଦିଲ୍ଲୀ, 25/12: ଜମ୍ମ୍ମ କାଶ୍ମୀରରୁ ଅର୍ଦ୍ଧସୈନିକ ବଳର 72ଟି କମ୍ପାନୀକୁ ସରକାର ଫେରାଇ ଆଣିବାକୁ ନିଷ୍ପତ୍ତି ନେଇଛନ୍ତି । ଏଥିରେ ସିଆରପିଏଫ୍ର 24, ବିଏସ୍ଏଫ୍, ଆଇଟିବିପି, ସିଆଇଏସ୍ଏଫ୍ ଓ ଏସ୍ଏସ୍ବିର12-12 କମ୍ପାନୀ ସାମିଲ୍ ରହିଥିଲେ । ପ୍ରତ୍ୟେକ କମ୍ପାନୀରେ 90ରୁ 100 କର୍ମୀ ରହିଥିଲେ । ଘାଟିରେ ଏବେ ସ୍ବାଭାବିକ ଅବସ୍ଥାକୁ ଦେଖି ସରକାର ଏହି ନିଷ୍ପତ୍ତି ନେଇଛନ୍ତି । ଏବେ ଘାଟିରୁ 7000ରୁ ଅଧିକ ଅର୍ଦ୍ଧସୈନିକ ବଳ ଫେରାଇ ନିଆଯିବାର ଆଦେଶ ରହିଛି । କଶ୍ମୀରରୁ ଧାରା ୩୭୦ ଉଚ୍ଛେଦ କରିବା ପରେ ପରିସ୍ଥିତିକୁ ଦୃଷ୍ଟିରେ ରଖି ବ୍ୟାପକ ସଂଖ୍ୟାରେ ସୁରକ୍ଷାବଳ ମୁତୟନ କରାଯାଇଥିଲା।ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ କରାଯିବା ପୂର୍ବରୁ କେନ୍ଦ୍ର ସରକାର ସମ୍ଭାବିତ ବିରୋଧ-ପ୍ରଦର୍ଶନକୁ ଦୃଷ୍ଟିରେ ରଖି ଘାଟୀରେ କଟକଣା ଲଗାଯାଇଥିଲା। ସେହିପରି କିଛି ସ୍ଥାନରେ ସୁରକ୍ଷା ବ୍ୟବସ୍ଥାକୁ ମଜବୁତ କରି ଦିଆଯାଇଥିଲା। ଏହାକୁ ଧୀରେ ଧୀରେ ହଟାଇ ଦିଆଯାଉଛି। (ଏଜେନ୍ସି)
କାଶ୍ମୀରରେ CIK ର ବଡ଼ ଧରଣର ଅପରେସନ, ଅନେକ ସ୍ଥାନରେ ଚଢାଉ ଜାରି