ସମୀକ୍ଷା ବ୍ୟୁରୋ
ନୟାଗଡ, 26/12 : ମହୀପୁରବାସୀଙ୍କ ଦୀର୍ଘ ଦିନର ଆଶା ପୂରଣ ହୋଇଛି । ଶେଷରେ ମହୀପୁରକୁ ଗଡିଛି ପାସେଞ୍ଜର ଟ୍ରେନ୍ । ନୟାଗଡ଼ ଟାଉନ ଷ୍ଟେସନରୁ ମହୀପୁରକୁ ଗଡ଼ିଛି ଖୋର୍ଦ୍ଧା-ନୟାଗଡ଼ ପାସେଞ୍ଜର ଟ୍ରେନ । ଗୁରୁବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସବୁଜ ପତାକା ଦେଖାଇ ଲୋକାର୍ପଣ କରିଛନ୍ତି । ଦୀର୍ଘଦିନ ଧରି ମହୀପୁରରେ ରେଳ ଯୋଗାଯୋଗ ପାଇଁ ଦାବି କରାଯଉଥିଲା । ପୂର୍ବରୁ ପରୀକ୍ଷାମୂଳକ ଭାବରେ ଟ୍ରେନ ଇଞ୍ଜିନ ଚଲାଯାଇଥିବା ବେଳେ ଆଜି ପାସେଞ୍ଜର ଟ୍ରେନ୍ ଚାଲିଛି । ଉଲ୍ଲେଖଯୋଗ୍ୟ ଯେ ମହୀପୁରରୁ ପୁରୀ ମଧ୍ୟରେ 2ଟି ପାସେଞ୍ଜର ଟ୍ରେନ ଚଳାଚଳ କରିବ ।
