ପଶ୍ଚିମବଙ୍ଗ, 2/1: ନୂତନ ବର୍ଷ ଆସିବା ସହିତ ଗଣତନ୍ତ୍ର ଦିବସର ପ୍ରସ୍ତୁତି ମଧ୍ୟ ଆରମ୍ଭ ହୋଇଗଲାଣି । ଏହି ପ୍ୟାରଡ୍ରେ ପ୍ରଦର୍ଶିତ ହେବାକୁ ଥିବା ରାଜ୍ୟଗୁଡ଼ିକ ପ୍ରଜ୍ଞାପନ ମେଢ ସୂଚୀରୁ ପଶ୍ଚିମବଙ୍ଗ ବାଦ୍ପଡିଛି । ପ୍ରଜ୍ଞାପନ ମେଢ ପ୍ରଦର୍ଶିତ ନେଇ କେନ୍ଦ୍ର ସରକାରଙ୍କୁ ପାଖକୁ ମୋଟ 56ଟି ପ୍ରସ୍ତାବ ଆସିଥିଲା । ଏହି ପ୍ରସ୍ତାବ ମଧ୍ୟରେ ପଶ୍ଚିମବଙ୍ଗର ପ୍ରସ୍ତାବ ମଧ୍ୟ ରହିଥିଲା । କିନ୍ତୁ କେନ୍ଦ୍ର ସରକାର ପଶ୍ଚିମବଙ୍ଗର ପ୍ରଜ୍ଞାପନ ମେଢକୁ ପ୍ରତ୍ୟାଖ୍ୟାନ କରିଛନ୍ତି। ବିଭିନ୍ନ ବିଷୟକୁ ନେଇ ପଶ୍ଚିମବଙ୍ଗ ସରକାର ଓ କେନ୍ଦ୍ର ସରକାର ମଧ୍ୟରେ ବିବାଦୀୟ ସ୍ଥିତି ଲାଗି ରହିଛି । ତେବେ ନିକଟରେ ଏହି ପ୍ରଜ୍ଞାପନ ମେଢ ବାଦ୍ ପଡ଼ିବା ଘଟଣା ଏକ ନୂତନ ବିବାଦର ସୂତ୍ରପାତ କରିପାରେ ବୋଲି ସୂଚନା ମିଳୁଛି ।
ଗଣତନ୍ତ୍ର ଦିବସ ପ୍ୟାରେଡ୍ ଅବସରରେ ବିଭିନ୍ନ ରାଜ୍ୟର ପ୍ରଜ୍ଞାପନ ମେଢ ପ୍ରଦର୍ଶନ ହୋଇଥାଏ। ଏଥିରେ ରାଜ୍ୟ, କେନ୍ଦ୍ର ଶାସିତ ପ୍ରଦେଶ ଓ କେନ୍ଦ୍ରୀୟ ମନ୍ତ୍ରାଳୟର ଉପସ୍ଥିତ ଜାହିର୍ କରାଯାଇଥାଏ। ଚଳିତ ବର୍ଷ ପ୍ୟାରେଡ୍ରେ ମୋଟ 22ଟି ମେଢ ପ୍ରଦର୍ଶନ କରାଯିବ । ଏଥିରେ 16ଟି ରାଜ୍ୟ, 6ଟି କେନ୍ଦ୍ର ଶାସିତ ପ୍ରଦେଶ ଓ 6ଟି କେନ୍ଦ୍ରୀୟ ମନ୍ତ୍ରାଳୟ ରହିଛନ୍ତି । ରକ୍ଷା ମନ୍ତ୍ରାଳୟ ନିକଟରକୁ ପ୍ୟାରେଡ୍ ନିମେନ୍ତ ମୋଟ 56ଟି ପ୍ରସ୍ତାବ ଆସିଥିଲା। ଏହି ମେଢ ପ୍ରଦର୍ଶନରେ ସାମିଲ୍ ପାଇଁ ଏକ ଲମ୍ବପ୍ରକ୍ରିୟା କରାଯାଇଥାଏ । ଏକ୍ସପର୍ଟ କମିଟି ଦ୍ବାରା ଏହି ମେଢ ପ୍ରଦର୍ଶନ ଉପରେ ନିଷ୍ପତ୍ତି ନିଆଯାଇଥାଏ । ଏଥିରେ ପ୍ରଜ୍ଞାପନ ମେଢର ଥିମ୍, କନ୍ସେପ୍ଟ, ଡିଜାଇନ୍, ଭିଜୁଆଲ୍ ଓ ଇଫେକ୍ଟ ଆଦିକୁ ନଜର ଦିଆଯାଇଥାଏ । (ଏଜେନ୍ସି)
