ଲକ୍ଷ୍ନୌ : ଉତ୍ତର ପ୍ରଦେଶର ମଣିପୁରୀରେ ଏକ କୋର୍ଟରେ ଜନୈକ ବିଚାରାଧୀନ କଏଦୀ ଆତ୍ମହତ୍ୟା କରିଛନ୍ତି । ସୋମବାର ଘଟିଥିବା ଏହି ଘଟଣା ପାଇଁ 4 ପୋଲିସ କର୍ମଚାରୀଙ୍କୁ ନିଲମ୍ବନ କରାଯାଇଛି । ନିଜ ପରିବାରର ତିନି ଜଣଙ୍କୁ ହତ୍ୟା ମାମଲାରେ ବିଚାର ପ୍ରକ୍ରିୟାର ସମ୍ମୁଖୀନ ହେଉଥିବା ଅଭିଯୁକ୍ତ ପୋଲିସ୍ ବନ୍ଧୁକ ଛଡାଇ ନିଜକୁ ଗୁଳି ମାରିଥିଲେ । ସୋମବାର ଅପରାହ୍ନ 3ଟାରେ ମଣିପୁରୀ କୋର୍ଟରେ ଏହି ଘଟଣା ଘଟିଥିଲା । ନିଜ ପିତା, ସାବତ ମା, ଏବଂ ନାବାଳକ ସାବତ ଭାଇକୁ ହତ୍ୟା କରିବା ମାମଲାରେ ମନୀଷ ଯାଦବ 2012ରୁ ଜେଲ୍ରେ ରହିଛନ୍ତି । କୋର୍ଟ ମଧ୍ୟରେ ଅଭିଯୁକ୍ତଙ୍କ ହାତକୁ ହତିଆର ଆସିବା କାରଣରୁ କାର୍ଯ୍ୟରେ ଅବହେଳା ଅଭିଯୋଗରେ ଜଣେ ଇନ୍ସପେକ୍ଟର ଏବଂ ତିନି ଜଣ କନେଷ୍ଟବଳଙ୍କୁ ନିଲମ୍ବନ କରାଯାଇଛି । (ଏଜେନ୍ସୀ)
