ନୂଆଦିଲ୍ଲୀ : ବ୍ୟବହାରକାରୀଙ୍କ ସୁରକ୍ଷା ପାଇଁ ଫେସ୍ବୁକ୍ ପକ୍ଷରୁ 4ଟି ନୂତନ ବୈଶିଷ୍ଟ୍ୟ ଯୋଡାଯାଇଛି । ପ୍ରାଇଭେସୀ ଚେକ୍ଅପ୍ ଟୁଲ୍ ଶେଷଥର ପାଇଁ 2014ରେ ଅପ୍ଡେଟ୍ କରାଯାଇଥିଲା । ସେହପରି କିଛି ପୋଷ୍ଟ ବା ସେୟାର କଲେ କିଏ ଦେଖିପାରିବେ ତା ମଧ୍ୟ ବ୍ୟବହାରକାରୀ ନିର୍ଦ୍ଧାରଣ କରିପାରିବେ । ସେହିପରି ଆକାଉଣ୍ଟକୁ ସୁରକ୍ଷିତ ରଖିବା ପାଇଁ ଫଟୋ ଏବଂ ଫୋନ୍ ନମ୍ବର କିଏ ଦେଖିବେ ତାହା ମଧ୍ୟ ବ୍ୟବହାରକାରୀ ନିର୍ଦ୍ଧାରଣ କରିବେ । ସେହିପରି ନିଜ ପାସଓ୍ବାର୍ଡକୁ ବଦଳାଇ ଦୃଢ ପାସଓ୍ବାର୍ଡ ରଖିବା ପାଇଁ ଫେସବୁକ୍ ପକ୍ଷରୁ ପରାମର୍ଶ ଦିଆଯାଇଛି । ସୋମବାର ଏକ ବ୍ଲଗ୍ପୋଷ୍ଟ ଜରିଆରେ ଫେସ୍ବୁକ୍ ପକ୍ଷରୁ ଏହି ସୂଚନା ଦେଇଛି ।
ସେହିପରି ଫେସ୍ବୁକ୍ରେ ଆପଣଙ୍କୁ କିଏ ଖୋଜି ପାରିବେ ତାହା ମଧ୍ୟ ବ୍ୟବହାରକାରୀ ନିର୍ଦ୍ଧାରଣ କରିପାରିବେ । ଫେସ୍ବୁକ୍ର ଡାଟା ସେଟିଂକୁ ଯାଇ କିଏ ଆପଣଙ୍କୁ ଫ୍ରେଣ୍ଡ ରିକ୍ବେଷ୍ଟ ପଠାଇବେ ତାହା ବ୍ୟବହାରକାରୀ ସ୍ଥିର କରିବେ । କୌଣସି ଆପ୍ରେ କିଛି ସେୟାର କରିବାକୁ ଚାହୁଁଥିଲେ ଡାଟା ସେଟିଂ ଜରିଆରେ ଏହାକୁ ଏଡିଟ୍ କରାଯାଇପାରିବ । ସେହିପରି ପ୍ରାଇଭାସୀ ଚେକ୍ଅପ୍ ଆଇକନ୍ରେ କ୍ଲିକ୍ କରି ନୂତନ ଭାବରେ ଅପଡେଟ୍ ହୋଇଥିବା ବୈଶିଷ୍ଟ୍ୟର ଲାଭ ଉଠାଇ ପାରିବେ ଫେସ୍ବୁକ୍ ବ୍ୟବହାରକାରୀ । (ଏଜେନ୍ସୀ)