ମୁମ୍ବାଇ : ଆଜି ବିଧୁ ବିନୋଦ ଚୋପ୍ରାଙ୍କ ନିର୍ଦ୍ଦେଶିତ ଫିଲ୍ମ ‘ଶିକାରା – ଦ ଅନଟୋଲ୍ଡ ଷ୍ଟୋରୀ ଅଫ୍ କାଶ୍ମୀର ପଣ୍ଡିତ୍’ର ଟ୍ରେଲର୍ର ରିଲିଜ୍ ହୋଇଛି । ଫିଲ୍ମରେ ଆଦିଲ୍ ଖାନ୍ ଓ ସାଦିଆ ଲିଡ୍ରୋଲ୍ରେ ନଜର ଆସିଛନ୍ତି । ଏହି ଦୁଇ କଳାକାରଙ୍କ ଏହା ହେଉଛି ପ୍ରଥମ ଫିଲ୍ମ । ଫିଲ୍ମରେ 4 ଲକ୍ଷ କାଶ୍ମୀର ପଣ୍ଡିତଙ୍କ ଦୁଃଖକୁ ଦର୍ଶାଯାଇଛି । ନିଜ ମାଟିରେ ଶରଣାର୍ଥୀ ହୋଇଥିବା କାଶ୍ମୀର ପଣ୍ଡିତଙ୍କ ଉପରେ ଫିଲ୍ମଟି ପର୍ଯ୍ୟବସିତ । ନିଜ ଜନ୍ମମାଟିରେ ନିଜର ଅସ୍ତିତ୍ବ ଖୋଜୁଥିବା କାଶ୍ମୀର ପଣ୍ଡିତଙ୍କ ଦୁଃଖ ଦୁର୍ଦ୍ଦଶାକୁ ଏହି ଟ୍ରେଲ୍ରରେ ଦେଖାଯାଇଛି । ଭାବନାର ଉତ୍ଥାନ ଓ ପତନ ସହିତ ଏହି ଫିଲ୍ମରେ ଏକ ଗୁଜୁରାଟୀ ପ୍ରେମକାହାଣୀକୁ ମଧ୍ୟ ସମାନ୍ତରାଳ ଭାବେ ଦର୍ଶାଯାଇଛି । ଏହି ପ୍ରେମ କାହାଣୀ ସହିତ ନିର୍ଦ୍ଦେଶକ କାଶ୍ମୀର ପଣ୍ଡିତ୍ମାନଙ୍କର ପୀଡାକୁ ମଧ୍ୟ ଦେଖାଇବାର ପ୍ରଚେଷ୍ଟା କରିଛନ୍ତି । ଫିଲ୍ମଟି ଫେବୃଆରୀ 7 ତାରିଖରେ ପରଦା ଉପରକୁ ଆସିବାର ରହିଛି । (ଏଜେନ୍ସି)
