ଭୁବନେଶ୍ବର- ଆଜି ଭାରତ ବନ୍ଦ ଡାକରାର ପ୍ରଭାବ ଓଡ଼ିଶାରେ ଅନୁଭୂତ ହେବାରେ ଲାଗିଛି। ଆଜି ସକାଳୁ ସକାଳୁ ବିକ୍ଷୋଭକାରୀମାନେ ରାସ୍ତା ରୋକ ଆରମ୍ଭ କରିଦେଇଛନ୍ତି। ବିଭିନ୍ନ ଟ୍ରେଡ ୟୁନିୟନଗୁଡିକ ଏହି ଆନ୍ଦୋଳନ ଡାକରା ଦେଇଥିବାରୁ ସବୁ ସ୍ଥାନରେ ବିକ୍ଷୋଭକାରୀ ବନ୍ଦକୁ ସଫଳ କରିବା ଚେଷ୍ଠାରେ ଅଛନ୍ତି। ଆଜି ସକାଳୁ ବିକ୍ଷୋଭକାରୀ ଭୁବନେଶ୍ବର ଷ୍ଟେସନରେ ଆନ୍ଦୋଳନ କରି ବିଭିନ୍ନ ଟ୍ରେନକୁ ଅଟକାଇ ଦେଇଚନ୍ତି। ସେହିପରି ଆନ୍ଦୋଳନକାରୀମାନେ ଲୋକସେବା ଭବନଠାରୁ ଆରମ୍ଭ କରି ବିଭିନ୍ନ କେନ୍ଦ୍ର ସରକାରଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରୁଛନ୍ତି। ବିଭିନ୍ନ ସ୍ଥାନରେ ଆନ୍ଦୋଳନକାରୀମାନେ ରାଲି କରି ଦାବୀ ପୁରଣ ନେଇ ସ୍ଲୋଗାନ ଦେଉଚନ୍ତି। ବନ୍ଦ ଡାକରାକୁ ଲକ୍ଷ ରଖି ପୋଲିସ ତରଫରୁ ବିଭିନ୍ନ ସ୍ଥାନରେ କଡା ସୁରକ୍ଷା ବ୍ୟବସ୍ଥା କରାଯାଇଛି।
Tags: BharatBandh
