ବେଙ୍ଗାଲୁରୁ : କନ୍ନଡ ସୁପରଷ୍ଟାର ୟଶ୍ଙ୍କ ଜନ୍ମଦିନରେ କେଜିଏଫ୍-2ର ନୂତନ ପୋଷ୍ଟର ରିଲିଜ୍ ହୋଇଛି । କେଜିଏଫ୍-1ର ସଫଳତା ପରେ ଦର୍ଶକ ଦ୍ବତୀୟ ଭାଗକୁ ଉତ୍ସୁକତାର ସହିତ ଅପେକ୍ଷା କରିଥିବା ବେଳେ ଆଜି ଫିଲ୍ମର ଟିଜର ରିଲିଜ୍ ହେବା ନେଇ ନିର୍ମାତାଙ୍କ ପକ୍ଷରୁ ସୂଚନା ଦିଆଯାଇଥିଲା । ମାତ୍ର ଏଡିଟିଂ କାମ ଶେଷ ନହେବା କାରଣରୁ ୟଶଙ୍କ ପ୍ରଥମ ପୋଷ୍ଟର ରିଲିଜ୍ କରାଯାଇଛି । ଫିଲ୍ମର ନିର୍ଦ୍ଦେଶକ ପ୍ରଶାନ୍ତ ନୀଲ୍ ୟଶ୍ଙ୍କ ପୋଷ୍ଟର ସେୟାର କରିଛନ୍ତି । ଜୁଲାଇ 2020ରେ ରିଲିଜ୍ ହେବାକୁ ଥିବା ଏହି ଫିଲ୍ମ ହିନ୍ଦି, ତାମିଲ, ତେଲୁଗୁ ଏବଂ ମାଲାୟଲମ ଭାଷାରେ ନିର୍ମିତ ହେବାକୁ ଯାଉଛି । ବେଙ୍ଗାଲୁରୁରେ ୟଶ୍ଙ୍କ ଜନ୍ମଦିନରେ ଫ୍ୟାନ୍ ମାନେ 12 କିଗ୍ରା ଓଜନର ଏକ କେକ୍ କାଟୁଛନ୍ତି । (ଏଜେନ୍ସୀ)
