ସମୀକ୍ଷା ବ୍ୟୁରୋ
ଚିଲିକା: ଆଜି ଆଇଏନ୍ସ ଚିଲିକାରେ ପାସିଙ୍ଗ ଆଉଟ୍ ପରେଡ୍ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ୨୯୮୩ ଜଣ ନୌସେନା ଓ ଭାରତୀୟ ତଟରକ୍ଷା ବାହିନୀର ପ୍ରଶିକ୍ଷାର୍ଥୀମାନେ ଆଇଏନ୍ଏସ୍ ଚିଲିକାରୁ ସ୍ନାତକ ଉପାଧି ପ୍ରାପ୍ତ କରିଛନ୍ତି। ଏହି ପ୍ରଶିକ୍ଷାର୍ଥୀମାନଙ୍କୁ ଟ୍ରଫି ଓ ମେଡାଲ୍ ପ୍ରଦାନ କରାଯାଇଛି। ଏହି ପ୍ରଶିକ୍ଷାର୍ଥୀମାନେ ଏକ ଆକର୍ଷଣୀୟ ପାସିଙ୍ଗ୍ ଆଉଟ୍ ପେରେଡ୍ କରିଥିଲେ। ୨୧ ସପ୍ତାହର ମୂଳ ପ୍ରଶିକ୍ଷଣର ପ୍ୟାରେଡ୍କୁ ଭାଇସ୍ ଆଡମିରାଲ୍ ଏ.କେ ଚାଓ୍ବାଲା, ଏଭିଏସ୍ଏମ୍, ଏନ୍ଏମ୍, ଭିଏସ୍ଏମ୍ ମୁଖ୍ୟ କମାଣ ପଦାଧିକାରୀ, ଦକ୍ଷିଣ ନୌସେନା କମାନଙ୍କ ଦ୍ବାରା ନିରୀକ୍ଷିତ ହୋଇଥିଲା।
ଏହି ପରିପ୍ରେକ୍ଷୀରେ ଭାଇସ୍ ଆଡମିରାଲ୍ ଚାଓଲା ତାଙ୍କର ଅଭିଭାଷଣରେ ପାସିଂ ଆଉଟ୍ ପ୍ରଶିକ୍ଷାର୍ଥୀମାନଙ୍କୁ ଦୃଢ ତଥା ଭବିଷ୍ୟତ ଜୀବିକାରେ ଶାଣିତ ହେବାକୁ ଆହ୍ବାନ କରିଥିଲେ। ଏହି ଉତ୍ସବରେ ପରଭେଜ ଆଲମ୍, ବରିଷ୍ଠ ସେକେଣ୍ଡାରୀ ପ୍ରଶିକ୍ଷାର୍ଥୀ, କ୍ୟାପଟେନ୍ ମେଟ୍ରିକ୍ ଭର୍ତ୍ତା (ଏମ୍ ଆର୍) ଉଭୟ ଭାରତୀୟ ନୌସେନା ଏବଂ ଜେଶ୍ବର ରାଓ, ନାବିକ (ଜିଡି) ଓ ନୀଳେଶ ପଟେଲ୍ ନାବିକ (ଡିବି) ଉଭୟ ଭାରତୀୟ ତଟରକ୍ଷା ବାହିନୀର ନିଜ ନିଜ ବିଭାଗରେ ଶ୍ରେଷ୍ଠ ବିବେଚିତ ହୋଇଥଲେ। ଏହି ଅବସରରେ ଦ୍ବିଭାଷୀ ପତ୍ରିକା ‘ଅଙ୍କୁର’ର ଶୀତକାଳୀନ ସଂସ୍କରଣର ଉନ୍ମୋଚନ ମଧ୍ୟ କରାଯାଇଥିଲା।