କନ୍ଦର୍ପ ବେହେରା
ରେଢାଖୋଲ : ରେଢାଖୋଲର ଜନୈକ ସାମ୍ବାଦିକଙ୍କ ଚୋରି ବାଇକ୍ ଉଦ୍ଧାର କରାଯିବା ସହିତ ଜଣଙ୍କୁ ଗିରଫ କରାଯାଇଛି । ସାମ୍ବାଦିକ ପ୍ରସନ୍ନ କୁମାର ପ୍ରଧାନଙ୍କ ଚୋରି ବାଇକ ବୌଦ୍ଧରୁ ଉଦ୍ଧାର କରାଯିବା ସହିତ ଚୋରକୁ ଗିରଫ କରାଯାଇଛି । ଉଲ୍ଲେଖଯୋଗ୍ୟ ଯେ, ନଭେମ୍ବର 2 ତାରିଖରେ ରେଢାଖୋଲ ଡାକ୍ତରଖାନା ପରିସରରୁ ସାମ୍ବାଦିକଙ୍କ ବାଇକ ଚୋରି ହୋଇଯାଇଥିଲା । ଏ ନେଇ ରେଢାଖୋଲ ଥାନାରେ ଲିଖିତ ଅଭିଯୋଗ କରାଯାଇଥିଲା । ଅଭିଯୋଗ ପରେ କେସ୍ ନମ୍ବର 257/219 ଅନୁସାରେ ମାମଲା ରୁଜୁ କରାଯିବା ସହିତ ଦୀର୍ଘ ଅଢେଇ ମାସ ପରେ ବାଇକ୍ ଉଦ୍ଧାର କରାଯାଇଛି । ବୌଦ୍ଧ ଜିଲ୍ଲା କିଆକଟା ଥାନା ଶଙ୍ଖାମାଳ ଗ୍ରାମର ଭୁବନ ବେହେରାଙ୍କୁ ପୋଲିସ୍ ଗିରଫ କରିଛି । ରେଢାଖୋଲ ପୋଲିସ୍ ଖବର ପାଇ ସଦଳବଳ ଅଭିଯୁକ୍ତକୁ ତାର ଗାଁରୁ ଗିରଫ କରିଥିଲା । ଏହି ଚଢଉରେ ଏସ୍ଡିପିଓ ହାଡିବନ୍ଧୁ ସ୍ୱାଇଁ, ରେଢାଖୋଲ ଥାନାଧିକାରୀ ପ୍ରଶାନ୍ତ କୁମାର ସାମଲ, ଏସ୍ଆଇ ତ୍ରିବେଣୀ ପ୍ରଧାନ ସାମିଲ୍ ହୋଇଥିଲେ ।
Tags: bike, journalist
