ସମୀକ୍ଷା ବ୍ୟୁରୋ
ସମ୍ବଲପୁର : ବୀର ସୁରେନ୍ଦ୍ର ସାଏ ମହାକାଶ ନବୋନ୍ମେଷ କେନ୍ଦ୍ରର ଛାତ୍ରଛାତ୍ରୀ କେନ୍ଦ୍ରମନ୍ତ୍ରୀ ଡ. ଜିତେନ୍ଦ୍ର ସିଂଙ୍କୁ ଭେଟିଛନ୍ତି । ନୂଆଦିଲ୍ଲୀରେ କେନ୍ଦ୍ରମନ୍ତ୍ରୀ ଡ. ଜିତେନ୍ଦ୍ର ସିଂଙ୍କୁ ସାକ୍ଷାତ କରି ସେମାନଙ୍କ ଦ୍ବାରା ନିର୍ମାଣ କରାଯାଇଥିବା ଉପଗ୍ରହ ଉତ୍କ୍ଷେପଣ ଯାନ ସମ୍ପର୍କରେ ଆଲୋଚନା କରିଥିଲେ । କେନ୍ଦ୍ରମନ୍ତ୍ରୀ ଛାତ୍ରଛାତ୍ରୀଙ୍କ ଉଦ୍ୟମକୁ ପ୍ରଶଂସା କରିଥିଲେ । ମହାକାଶ ବିଜ୍ଞାନ କ୍ଷେତ୍ରରେ ଭାରତ ଏକ ଅଗ୍ରଣୀ ରାଷ୍ଟ୍ର ଏବଂ ଛାତ୍ର ମାନଙ୍କ ଅବଦାନରେ ଏହା ଆହୁରି ଆଗକୁ ବଢିବ ବୋଲି ଜିତେନ୍ଦ୍ର ସିଂ ପ୍ରକାଶ କରିଥିଲେ ।
ପ୍ରଥମ ଥର ପାଇଁ ଛାତ୍ରଛାତ୍ରୀଙ୍କ ଦ୍ବାରା ମହାକାଶ ଉତ୍କ୍ଷେପଣ ଯାନ (ଏସ୍ଏଲ୍ଭି) ନିର୍ମାଣ କରାଯାଇଥିବା ନେଇ କେନ୍ଦ୍ରମନ୍ତ୍ରୀ ପ୍ରକାଶ କରିଥିଲେ । ଛାତ୍ର ମାନଙ୍କୁ ଇସ୍ରୋ ସହିତ ନିୟମିତ ସମ୍ପର୍କରେ ରହିବା ପାଇଁ କେନ୍ଦ୍ରମନ୍ତ୍ରୀ କହିବା ସହିତ ସେମାନଙ୍କର ଏହି ପ୍ରୟାସ ପାଇଁ 50 ଲକ୍ଷ ଟଙ୍କା ଏବଂ ଆର୍ଥିକ ସହାୟତା ପ୍ରଦାନ କରାଯିବା ନେଇ ଘୋଷଣା କରିଥିଲେ । ଏହା ସହିତ ଛାତ୍ର ଗୋଷ୍ଠୀ ଇସ୍ରୋ ଅଧ୍ୟକ୍ଷ କେ ଶିବନଙ୍କ ସହିତ ଆଲୋଚନା ମଧ୍ୟ କରିଥିଲେ । ଉଲ୍ଲେଖଯୋଗ୍ୟ ଯେ, ଏହି ଛାତ୍ରଗୋଷ୍ଠୀ ଶବ୍ଦସୃଷ୍ଟିକାରୀ ସ୍ବଦେଶୀ ରକେଟ୍ ନିର୍ମାଣ ପାଇଁ ଲିମ୍କା ବୁକ୍ ଅଫ ରେକର୍ଡରେ ସ୍ଥାନ ହାସଲ କରିଛନ୍ତି ।
