ନୂଆଦିଲ୍ଲୀ : ଡକ୍ୟୁମେଣ୍ଟାରୀ ଫିଲ୍ମ ନିର୍ମାତା ତଥା ସାମାଜିକ କର୍ମୀ ତପନ ବୋଷ ଏକ ବିବାଦୀୟ ବୟାନ ଦେଇଛନ୍ତି । ଉଭୟ ରାଷ୍ଟ୍ରର ସେନା ନିଜ ଲୋକଙ୍କୁ ହତ୍ୟା କରିଥାନ୍ତି ତେଣୁ ଭାରତୀୟ ସେନା ଏବଂ ପାକିସ୍ତାନୀ ସେନାଙ୍କ ମଧ୍ୟରେ କୌଣସି ପ୍ରଭେଦ ନାହିଁ ବୋଲି ବୋଷ କହିଛନ୍ତି । ଜନ୍ତର ମନ୍ତରରେ ଆୟୋଜିତ ସିଏଏ ଏବଂ ଏନ୍ଆରସି ବିରୋଧୀ ସଭାରେ ବୋଷ ଏହି ମତ ଦେଇଥିଲେ । ପାକିସ୍ତାନ ଏକ ଶତ୍ରୁରାଷ୍ଟ୍ର ନୁହେଁ ଏବଂ ଉଭୟ ରାଷ୍ଟ୍ରର ଶାସକ ମଧ୍ୟ ଏକାପରି ବୋଲି ବୋଷ କହିଥିଲେ । ଏହା ସହିତ ୟୁରୋପିଆନ ସଂସଦରେ ସିଏଏ ଏବଂ କାଶ୍ମୀର ସମସ୍ୟାର ଆଲୋଚନାକୁ ସ୍ବାଗତ କରିଥିଲେ ବୋଷ । ଇୟୁ ସାଂସଦ ସଫାକ୍ ମହମ୍ମଦ ଏବଂ କାଶ୍ମୀର ସମସ୍ୟାର ଉତ୍ଥାପନ କରିଥିବା ବେଳେ ପାକିସ୍ତାନରେ ନିର୍ଯାତିତ ହିନ୍ଦୁଙ୍କ ସମ୍ପର୍କରେ କୌଣସି ଆଲୋଚନା କରିନଥିଲେ । (ଏଜେନ୍ସୀ)
