ନୂଆଦିଲ୍ଲୀ : ଦେଶଦ୍ରୋହ ମାମଲାରେ ଗିରଫ ଶର୍ଜିଲ୍ ଇମାମ୍ଙ୍କୁ 5 ଦିନିଆ ରିମାଣ୍ଡରେ ପଠାଯାଇଛି । ଗତକାଲି ବିହାରର ଜେହାନାବାଦରୁ ଗିରଫ ହୋଇଥିଲେ ଶର୍ଜିଲ୍ ଇମାମ୍ । ଶାହିନ୍ବାଗ୍ରେ ଇମାମ ଦେଶ ବିରୋଧୀ ମନ୍ତବ୍ୟ ଦେବା ସହିତ ଉତ୍ତେଜନା ସୃଷ୍ଟିକାରୀ ଭାଷଣ ଦେଇଥିଲେ । ଆସାମକୁ ଭାରତରୁ ଅଲଗା କରିବା ପରି ମନ୍ତବ୍ୟ ଦେଇଥିଲେ ଶର୍ଜିଲ୍ ଇମାମ୍ । ମଙ୍ଗଳବାର ଇମାମ୍ଙ୍କୁ ବିହାରର ଜେହାନାବାଦରୁ ଗିରଫ କରାଯାଇଥିଲା । ଉଲ୍ଲେଖଯୋଜ୍ୟ ଯେ, ଆଇଆଇଟି ମୁମ୍ବାଇର କମ୍ପ୍ୟୁଟର ସାଇନ୍ସ ସ୍ନାତକ ସର୍ଜିଲ୍ ଶାହିନବାଗରେ ନିଜ ଭାଷଣରେ ଦେଶବିରୋଧୀ ମନ୍ତବ୍ୟ ଦେଇଥିଲେ । (ଏଜେନ୍ସୀ)
