ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନ ଚାଲିଥିବା ସମୟରେ ଆପ୍କୁ ରାଜନୈତିକ ଏଡ୍ସ ବୋଲି କହିଛନ୍ତି ପୂର୍ବତନ ଆପ୍ ନେତା ତଥା କବି କୁମାର ବିଶ୍ବାସ । ଯେପରି ଏଡ୍ସର କୌଣସି ଚିକିତ୍ସା ନାହିଁ ସେମିତି ଆପ୍ ମଧ୍ୟ ଏଡ୍ସ ସହିତ ତୁଳନୀୟ ବୋଲି ବିଶ୍ବାସ ଏକ ଟ୍ବିଟ୍ କରିଛନ୍ତି । ଏହି ଟ୍ବିଟ୍ ସହିତ ଆପ୍ ବିରୋଧରେ ଏକ କବିତା ମଧ୍ୟ ଲେଖିଛନ୍ତି କୁମାର ବିଶ୍ବାସ । ପୂର୍ବ ପାଞ୍ଚ ବର୍ଷର ଭୁଲ୍କୁ ସୁଧାରିବାର ସୁଯୋଗ ଦିଲ୍ଲୀ ବାସୀଙ୍କ ନିକଟରେ ରହିଛି । ସମାଜ, ଗଣତନ୍ତ୍ର, ବନ୍ଧୁତା ଏବଂ ବିଶ୍ବାସକୁ ହତ୍ୟା କରିଛି ଆପ୍ । ଜନସାଧାରଣ ନିଜ ଭୁଲ୍କୁ ସୁଧାରିବା ଉଚିତ୍ ବୋଲି ହିନ୍ଦିରେ ଟ୍ବିଟ୍ କରିଛନ୍ତି ବିଶ୍ବାସ ।
Tags: aap, kumarviswas
