ବିଧାନସଭାରୁ ପ୍ରଭୁକଲ୍ୟାଣ ମହାପାତ୍ରଙ୍କ ରିପୋର୍ଟ
ଭୁବନେଶ୍ବର : ସର୍ବକ୍ଷମା ଯୋଜନାର ଅବଧି ବୃଦ୍ଧି କରିବା ପାଇଁ ବାଚସ୍ପତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନାଙ୍କୁ ନିର୍ଦ୍ଦେଶ ଦେଇଛନ୍ତି । ଶୂନ୍ୟକାଳରେ ବିରୋଧୀ ଦଳ ସଦସ୍ୟ ନରସିଂହ ମିଶ୍ର ଓ ସୁରେଶ କୁମାର ରାଉତରାୟ ସର୍ବକ୍ଷମା ଯୋଜନା ସମ୍ପର୍କରେ ଆଲୋଚନା କରିଥିଲେ । ଆଜି ସର୍ବକ୍ଷମା ଯୋଜନାର ଅବଧି ଶେଷ ହେଉଛି । ଭୁବନେଶ୍ବର ନଗର ଉନ୍ନୟନ ବିଭାଗ (ବିଡିଏ) ଏବଂ କଟକ ନଗର ଉନ୍ନୟନ ବିଭାଗ (ସିଡିଏ)ରେ ଜବରଦଖଲକାରୀଙ୍କ ପାଇଁ ଉଦ୍ଦିଷ୍ଟ ଏହି ଯୋଜନାରେ 3 ଲକ୍ଷ ବେଆଇନ ନିର୍ମାଣକାରୀଙ୍କ ମଧ୍ୟରୁ ମାତ୍ର 10 ହଜାର ଆବେଦନ କରିଛନ୍ତି । ଦରିଦ୍ର ଲୋକଙ୍କମ ସ୍ବାର୍ଥକୁ ଆଖିଆଗରେ ରଖି ଯୋଜନାର ମିଆଦକୁ ପରିବର୍ଦ୍ଧିତ କରିବା ପାଇଁ ଉଭୟ ନେତା ଅଡି ବସିଥିବା ବେଳେ ବାଚସ୍ପତି ଅବଧି ବୃଦ୍ଧିର ନିର୍ଦ୍ଦେଶ ଦେଇଥିଲେ ।
