ଲକ୍ଷ୍ନୌ : ଭାରତରେ ଗଚ୍ଛିତ ସୁନାର ପରିମାଣ ବିଶ୍ବର ଷଷ୍ଠ ସ୍ଥାନରେ ରହିଥିବା ବେଳେ ବର୍ତ୍ତମାନ ଭାରତରେ ଏକ ନୂତନ ସୁନାଖଣି ଠାବ କରାଯାଇଛି । ସମଗ୍ର ଭାରତରେ 626 ଟନ୍ର ସୁନା ମହଜୁଦ ରହିଥିବା ବେଳେ ଉତ୍ତର ପ୍ରଦେଶର ସୋନଭଦ୍ରାରୁ ଠାବ କରାଯାଇଥିବା ନୂତନ ସୁନାଖଣିରୁ 3600 ଟନ୍ ସୁନା ରହିଥିବା ଜଣାପଡିଛି । ଉତ୍ତରପ୍ରଦେଶର ପ୍ରତ୍ନତାତ୍ତ୍ବିକ ସଂସ୍ଥା ପକ୍ଷରୁ ମିଳିଥିବା ସୂଚନା ଅନୁଯାୟୀ ଦୁଇଟି ସୁନାଖଣିରେ ଏହି ସୁନା ରହିଛି । ନକ୍ସଲ୍ ପ୍ରପୀଡିତ ସୋନଭଦ୍ରାର ସୋନ୍ପାହାଡି ଖଣିରୁ 2943.26 ଟନ୍ ସୁନା ରହିଥିବା ନେଇ ସୂଚନା ମିଳିଥିବା ବେଳେ ହର୍ଦ୍ଦିରେ ରହିଥିବା ଖଣିରେ 646.15 ଟନ୍ ସୁନା ରହିଛି । ଏହି ମହଜୁଦ ସୁନାର ପରିମାଣ 12 ଲକ୍ଷ କୋଟି ଟଙ୍କା ବୋଲି ଜଣାପଡିଛି । (ଏଜେନ୍ସି)
