ନୂଆଦିଲ୍ଲୀ : ଦିଲ୍ଲୀ ହିଂସାରେ ମୃତକଙ୍କ ସଂଖ୍ୟା 27ରେ ପହଞ୍ଚିଥିବାବେଳେ ଦିଲ୍ଲୀ ହିଂସାକୁ ନେଇ ଶୁଣାଣୀ କରୁଥିବା ଦିଲ୍ଲୀ ହାଇକୋର୍ଟର ବିଚାରପତି ଜଷ୍ଟିସ ଏସ୍. ମୂରଲୀଧରଙ୍କୁ ପଞ୍ଜାବ-ହରିୟାଣା ହାଇକୋର୍ଟ ବଦଳି ହୋଇଛି। ଦିଲ୍ଲୀ ହାଇକୋର୍ଟରେ ବୁଧବାର ଦିନ ଦିଲ୍ଲୀକୁ ନେଇ ଶୁଣାଣି କରିଥିବାବେଳେ ପୁଲିସ୍କୁ କଡା ତାଗିଦ୍ କରିଥିଲେ ।ବୁଧବାର ଦିଲ୍ଲୀ ହିଂସା ନେଇ ଶୁଣାଣି ସମୟରେ ହାଇକୋର୍ଟ ଶକ୍ତ ଟିପ୍ପଣୀ ଦେଇଥିଲେ । ଦିଲ୍ଲୀରେ ପୁଣି ଥରେ ୧୯୮୪ ଭଳି ଦଙ୍ଗା ହେବାକୁ ଦେବୁ ନାହିଁ । ଦିଲ୍ଲୀ ହିଂସା ନେଇ କଡ଼ା ପଦକ୍ଷେପ ନିଆଯିବା ଦରକାର ବୋଲି ଦିଲ୍ଲୀ ହାଇକୋର୍ଟର ବିଚାରପତି ଜଷ୍ଟିସ୍ ମୁରଲୀଧର କହିଥିଲେ । କେନ୍ଦ୍ର ସରକାର ଜଷ୍ଟିସ ମୁରଲୀଧରଙ୍କ ବଳଦି ନେଇ ବିଜ୍ଞପ୍ତି ଜାରି କରିଛନ୍ତି । ସୂଚନାଯୋଗ୍ୟ ସୁପ୍ରିମକୋର୍ଟ କଲେଜିୟମ ଜଷ୍ଟିସ ମୁରଲିଧରଙ୍କ ବଦଳି ପାଇଁ ୨୦୨୦ ଫେବୃଆରୀ ୧୨ରେ କେନ୍ଦ୍ର ସରକାରଙ୍କୁ ନାମ ସୁପାରିଶ କରିଥିଲେ ।
ତେବେ ଆଜି ହାଇକୋର୍ଟରେ ଦିଲ୍ଲୀ ହିଂସାକୁ ନେଇ ଶୁଣାଣି ହେବ । ଉତ୍ତେଜନା ପୂର୍ଣ୍ଣ ଭାଷଣକୁ ଏଫଆଇର ଦାୟର କରିବାକୁ ନେଇ ହୋଇଥିବା ଯାଚିକାରେ ଆଜି ଦିଲ୍ଲୀ ହାଇକୋର୍ଟ ପୋଲିସ୍କୁ ଜବାବ ମାଗିବେ । ଦିଲ୍ଲୀ ହାଇକୋର୍ଟ ବିଚାରପତିଙ୍କ ବଦଳି ହୋଇଯାଇଥିବାବେଳେ ମୁଖ୍ୟ ବିଚାରପତି ଡିଏନ୍ ପଟେଲ୍ଙ୍କ ଅଧ୍ୟକ୍ଷତାରେ ଗଠିତ ବେଞ୍ଚ ଆଜି ଏହି ମାମଲାର ଶୁଣାଣି କରିବେ । (ଏଜେନ୍ସି)