ମୁମ୍ବାଇ : ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଛାଡି ଶିବସେନାର ସାମିଲ୍ ହୋଇଥିବା ପ୍ରିୟଙ୍କା ଚତୁର୍ବେଦୀଙ୍କୁ ରାଜ୍ୟସଭା ପ୍ରାର୍ଥୀ କରାଯାଇଛି । ପ୍ରିୟଙ୍କା ଦଳରେ ପ୍ରବକ୍ତା ରୂପେ କାର୍ଯ୍ୟ କରୁଥିଲେ । ଏତଦ୍ବ୍ୟତୀତ ଆଦିତ୍ୟ ଠାକ୍ରେଙ୍କ ନିର୍ବାଚନୀ କ୍ଷେତ୍ରରେ ପ୍ରଚାର କାର୍ଯ୍ୟ ସମ୍ଭାଳିଥିଲେ । ମହାରାଷ୍ଟ୍ର ରାଜ୍ୟସଭାର ସାତୋଟି ଆସନ ଖାଲିଥିବାବେଳେ ଏଥିରେ ବିଜେପି ଏହାର ତିନି ସାଂସଦଙ୍କୁ ରାଜ୍ୟସଭାକୁ ନିର୍ବାଚିତ କରିପାରେ, କିନ୍ତୁ ଶିବସେନା, ଜାତୀୟତାବାଦୀ କଂଗ୍ରେସ ପାର୍ଟି (ଏନସିପି) ଏବଂ କଂଗ୍ରେସ ଚାରିଟି ଆସନ ପାଇବାର ସମ୍ଭାବନା ରହିଛି।
ଦଶ ବର୍ଷ ପୂର୍ବେ କଂଗ୍ରେସ ସାମିଲ୍ ହୋଇଥିଲେ ପ୍ରିୟଙ୍କା । କଂଗ୍ରେସର ମୁଖପାତ୍ର ରୂପେ କାର୍ଯ୍ୟ କରୁଥିବା ପ୍ରିୟଙ୍କା ଦଳର ନୀତିକୁ ସମାଲୋଚନା କରି ଦଳର ହାତ ଛାଡି 2019ରେ ଶିବସେନା ସହ ମିଶିଥିଲେ । (ଏଜେନ୍ସି)
Tags: priyankachaturvedi, shivsena
