ନେପାଳ ଠାରେ ଏକ ହେଲିକପ୍ଟର ଦୁର୍ଘଟଣାରେ ନେପାଳର ପର୍ଯ୍ୟଟନ ମନ୍ତ୍ରୀ ରବିନ୍ଦ୍ର ଅଧିକାରୀଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ଅନୁଯାୟୀ, ଏହି ଘଟଣାରେ ମନ୍ତ୍ରୀଙ୍କ ସମେତ ଆହୁରି ୬ଜଣ ଲୋକଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣା ନେପାଳର ପୂର୍ବ ଭାଗରେ ହୋଇଛି । ହେଲିକପ୍ଟରଟି ନେପାଳର ପାହାଡି ଇଲାକାରେ ଉଡାଣ ଭରୁଥିଲା । ଏହି ସମୟରେ ହିଁ ଦୁର୍ଘଟଣା ଘଟିଥିଲା । ହେଲିକପ୍ଟରଟି ଉଡାଣ ଭରିବାର କିଛି ସମୟ ପରେ କାଠମାଣ୍ଡୁ ସ୍ଥିତ ଏୟାରପୋର୍ଟ ଟାୱାର ସହ ସମ୍ପର୍କ ବିଛିନ୍ନ ହୋଇଥିଲା । ଦୁର୍ଘଟଣାସ୍ଥଳ କାଠମାଣ୍ଡୁଠାରୁ ୪୦୦ କିଲୋମିଟର ଦୂରରେ ରହିଛି । ତେବେ ଏହି ହେଲିକପ୍ଟରରେ ପର୍ଯ୍ୟଟନ ମନ୍ତ୍ରୀଙ୍କ ସମେତ ପାଇଲଟ୍ ଏବଂ ଅନ୍ୟ ୬ଜଣ ବ୍ୟକ୍ତି ରହିଥିଲେ । ଏହି ଦୁର୍ଘଟଣା ପରେ ନେପାଳ ପ୍ରଧାନମନ୍ତ୍ରୀ ଜରୁରୀକାଳୀନ ବୈଠକ ଡାକିଛନ୍ତି ।
