ରଞ୍ଜିତ ପଣ୍ଡା
କୁଜଙ୍ଗ: ଆଜି କୁଜଙ୍ଗ ବ୍ଲକ୍ ପ୍ରଶାସନ ବ୍ଳକର ପ୍ରମୁଖ ବ୍ୟବସାୟିକ କେନ୍ଦ୍ର ରାହାମା ହାଟ ବଜାରକୁ ରାହାମା ମିନି ଷ୍ଟାଡିୟମକୁ ସ୍ଥାନାନ୍ତର କରିଥିବା ସୂଚନା ମିଳିଛି। ପ୍ରଶାସନ ବହୁବାର ଲୋକଙ୍କୁ ସଚେତନ କାଲା ପରେ ମଧ୍ୟ ଲୋକେ ସାମାଜିକ ଦୂରତା ରକ୍ଷା କରୁନଥିବାରୁ ପ୍ରଶାସନ ଏହାର ବିକଳ୍ପଭାବେ ଏହି କାର୍ଯ୍ୟ କରିଥିବା ସୂଚନା ମିଳିଛି। ଆଜି ଜିଲ୍ଲା ଏସ୍ପି ପ୍ରକାଶ ଆର୍, କୁଜଙ୍ଗ ତହସିଲଦାର ପ୍ରଭାସ ରଂଜନ ବେହୁରା, କୁଜଙ୍ଗ ଏବିଡିଓ ସନ୍ତୋଷ କୁମାର ଶତପଥି, ଏସ୍ଡିପିଓ ଦିପକ ରଂଜନ ଜେନା, ରାହାମା ବଣିକ ସଂଘ ସଭାପତି ଜଟାଧାରୀ ଦାସ, ବଣିକ ସଂଘର ସମ୍ପାଦକ ସୁନାକର ବେହେରା, ତିର୍ତ୍ତୋଲ ଥାନା ଅଧିକାରୀ କୃଷ୍ଣ ପ୍ରସାଦ ମିଶ୍ର ପ୍ରମୁଖ ଉପସ୍ଥିତ ଥିବା ବେଳେ ସକାଳୁ କୁଜଙ୍ଗ ତହସିଲଦାର ଏହି ହାଟ ସ୍ଥାନାନ୍ତର ହେବା ନେଇ ସକାଳଳେ ଘୋଷଣା କରିଥିଲେ। ପ୍ରଶାସନ ପକ୍ଷରୁ ଦୁଇ ବେଳେ ୯ରୁ ୧୨ ଓ ଉପର ବେଳେ ୩ରୁ ୫ଟା ପର୍ଯ୍ୟ ହାଟ ବସିବାର ପ୍ରଶାସନ ପକ୍ଷରୁ ଘୋଷଣା କରାଯାଇଥିଲା। ଏହି ଅବସରରେ ଗତ କିଛି ଦିନ ହେଲା ପରିବା ବ୍ୟବସାୟୀ ଓ ଗ୍ରାହକ ହାଟରେ ସାମାଜିକ ଦୂରତାକୁ ନେଇ ବିଭିନ୍ନ ମହଲରେ ଅଭିଯୋଗ ହୋଇ ଆସୁଥିବା ବେଳେ ଆଜି ପ୍ରଶାସନ ପକ୍ଷରୁ ଏହି ପରି ପଦକ୍ଷପ ଗ୍ରହଣକୁ ସାଧାରଣରେ ସ୍ୱାଗତ କରାଯାଇଛି। ସେହି ପରି ଭାବେ ପ୍ରଶାସନ ଆସନ୍ତା କାଲି କୁଜଙ୍ଗ ସାପ୍ତାହୀକ ହାଟକୁ କୁଜଙ୍ଗ ନିୟମିତ ହାଟରୁ ସ୍ଥାନାନ୍ତରକରି ବନବିହାରୀ ହାଇସ୍କୁଲକୁ ଉଠାଇ ଦିଆଯିବ ବୋଲି ନିଷ୍ପତ୍ତି ହୋଇଛି।
କୁଜଙ୍ଗ ବ୍ଲକ୍ ପଡିଆରେ ଗାଡି ମଟର ପାର୍କିଂ କରାଯିବ ଓ ଏହିଠାରୁ ଗ୍ରାହକମାନେ ଚାଲିଚାଲିଯାଇ କୁଜଙ୍ଗ ବିବି ହାଇସ୍କୁଲ ପଡ଼ିଆରୁ ହାଟକରିବେ ବୋଲି କୁଜଙ୍ଗ ଏବିଡିଓ ସନ୍ତୋଷ କୁମାର ଶତପଥି ଓ କୁଜଙ୍ଗ ଥାନା ଅଧିକାରୀ ଦିଲିପ୍ କୁମାର ସାହୁତହସିଲଦାର ପ୍ରଭାଷ କୁମାର ବେହେୁରା ପ୍ରମୁକ ପ୍ରକାଶ କରିଛନ୍ତି। ଏଠାରେ ପ୍ରକାଶଯେ, କୁଜଙ୍ଗ ବଜାରରେ ପାରମ୍ପରିକଭାବେ ସପ୍ତାହକୁ ଦୁଇଥର ହାଟ ବସିଥାଏ। ମାତ୍ର କରୋନା କାରଣରୁ ସାମାଜିକ ଦୂରତ୍ୱ ରକ୍ଷାକରିବାନେଇ ପ୍ରଶାସନ ଚିନ୍ତିତ ହୋଇପଡ଼ିଥିଲା। ସେହିପରିଭାବେ ଲୋକମାନେ ମଧ୍ୟ ପ୍ରଶାସନର କଟକଣାକୁ ଗୁରୁତ୍ୱ ପ୍ରଦାନ କରୁନଥିଲେ। ଫଳରେ ସ୍ଥାନୀୟ ପ୍ରଶାସନ ସପ୍ତାହିକଭାବେ ସନିବାର ହାଟକୁ ସ୍ଥଗିତରଖି ମଙ୍ଗଳବାର ହାଟ ବିବିହାଇସ୍କୁଲରେ ବସାଇବାକୁ ନିଷ୍ପତି ଗ୍ରହଣ କରିଛି। ଏହି ପଦକ୍ଷେପକୁ କୁଜଙ୍ଗ ବଣିକ ସଙ୍ଘର ସଭାପତି ନୀରଞ୍ଜନ ସାହୁ ସ୍ୱାଗତ କରିଛନ୍ତି।
