ସୁପରହିଟ୍ ଫିଲ୍ମ ‘ହିନ୍ଦୀ ମିଡ଼ିୟମ୍’ର ସ୍ଵିକେଲ୍ରେ କରୀନା କପୁର୍ ଖାନ୍ ଅଭିନୟ କରିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ମିଳିଥିବା ସୂଚନା ଅନୁସାରେ ବେବୋ ଏହି ଫିଲ୍ମରେ କାମ କରିବାକୁ ମନା କରିଛନ୍ତି । ଅଭିନୟ କରିବାକୁ ନେଇ ଫିସ୍ ପାଇଁ ବେବୋ ରାଜି ହୋଇନାହାନ୍ତି । ଫିଲ୍ମ ପାଇଁ କରୀନା ୮ କୋଟି ଟଙ୍କା ଡିମାଣ୍ଡ କରିଥିବାବେଳେ ପ୍ରଯୋଜକ ଏତେ ଅଧିକ ଫିସ୍ ପାଇଁ ରାଜି ହୋଇନାହାନ୍ତି । ଏଥିପାଇଁ ମିସ୍ କପୁର୍ ଖାନ ଫିଲ୍ମକୁ ଛାଡ଼ିଦେଇଛନ୍ତି । ତେବେ ଏହି ଫିଲ୍ମରେ କରୀନାଙ୍କୁ ବଦଳରେ ରାଧିକା ଆପ୍ତେ ନଜର ଆସିବେ ବୋଲି ଜଣାପଡିଛି । ତେବେ ଫିଲ୍ମର କାଷ୍ଟିଂକୁ ନେଇ ଏବେବି କିଛି ସ୍ପଷ୍ଟ କରାଯାଇନାହିଁ । ଏହି ଫିଲ୍ମରେ ମୁଖ୍ୟ ଅଭିନେତା ଭାବେ ଇରଫାନ୍ ଖାନ୍ ନଜର ଆସିବେ । ଏହାର ନାୟିକା କିଏ ହେବେ, ତାହା ଦେଖିବାକୁ ଏବେ ବାକି ରହିଲା । ଗତ ବର୍ଷ ମେ ୧୯ରେ ରିଲିଜ୍ ହୋଇଥିବା ଏହି ଫିଲ୍ମଟି ସୁପର୍ହିଟ୍ ରହିଥିଲା । ଏଥିରେ ପାକିସ୍ତାନୀ ଅଭିନେତ୍ରୀ ସବା କମାର ନଜର ଆସିଥିଲେ ।
