ଭୁବନେଶ୍ବର, ଆଜି ଅପରାହ୍ନ 5 ଟା ସୁଦ୍ଧା ରାଜ୍ୟର ପାଞ୍ଚୋଟି ସ୍ଥାନରେ କାଳ ବୈଶାଖୀ ହେବ। ଏହି ସମୟରେ ପ୍ବନ ସହିତ ଘଡଘଡି ଏବଂ ବିଜୁଳ ମାରିବ ବୋଲି ଆର୍ଥ ନେଟୱର୍କ ସୂଚନା ଦେଇଛି। ଆର୍ତ ନେଟୱାର୍କ ମାଧ୍ୟମରେ ନିର୍ଦ୍ଧିଷ୍ଠ ଭାବେ କେଉଁ ସ୍ଥାନରେ ଏବଂ କେତେବେଳେ ଏହି କାଳ ବୈଶାଖୀ ହେବ ତାହା ଜଣାପଡିଯାଇଥାଏ। ସେହି ଅନୁସାରେ ଆଜି ରାଜ୍ୟର ଦୁଇଟି ଜିଲ୍ଲାରେ ପାଞ୍ଚୋଟି ସ୍ଥାନରେ ଏହି କାଳବୈଶାଖୀ ହେବ ବୋଲି ଜଣାପଡିଛି।
ଆଜିର ଆର୍ଥ ନେଟୱାର୍କ ସୂଚନା ଅନୁସାରେ ଯେଉଁ ଦୁଇଟି ଜିଲ୍ଲାରେ ଏହି କାଳ ବୈଶାଖୀ ଦେଖାଦେବ ତାହା ହେଲା ବାଲେଶ୍ବର ଏବଂ ଭଦ୍ରକ ଜିଲ୍ଲା। ବାଲେଶ୍ବରର ଦୁଇଟି ସ୍ଥାନରେ ଏହା ହେବ ବୋଲି ଜଣାପଡିଛି। ସେଗୁଡିକ ହେଲା ସୋର ଏବଂ ସିମୁଳିଆ ବ୍ଲକ। ସେହିପରି ଭଦ୍ରକର ତିହିଡି,ବାସୁଦେବପୁର ଏବଂ ଭଦ୍ରକ ବ୍ଲକରେ ଏହି କାଳବୈଶାଖୀ ଦେଖାଦେବ।
