ଚଣ୍ଡୀଗଡ : ହରିୟାଣାରେ ପୋଲିସ୍ ଓ ସ୍ବାସ୍ଥ୍ୟକର୍ମୀଙ୍କ ଉପରେ ପୁନର୍ବାର ଆକ୍ରମଣ କରାଯାଇଛି । ଏହି ଆକ୍ରମଣ ଘଟଣାରେ ପୋଲିସ୍ 30 ଜଣଙ୍କୁ ଗିରଫ କରିଛି । ଅମ୍ବାଲା ନିକଟସ୍ଥ ଚାନ୍ଦପୁରା ଗ୍ରାମରେ ଏହି ଘଟଣା ଘଟିଛି । ଚାନ୍ଦପୁରାରେ ଜଣେ ମହିଳା କୋଭିଡ୍-19ରେ ପ୍ରାଣ ହରାଇଥିବା ବେଳେ ଗ୍ରାମବାସୀ ତାଙ୍କର ଅନ୍ତିମ ସଂସ୍କାର ପାଇଁ ଦାବି କରିଥିଲେ । ଏହାକୁ ନେଇ ପୋଲିସ୍ ଓ ସ୍ବାସ୍ଥ୍ୟକର୍ମୀଙ୍କ ଉପରକୁ ପଥର ମାଡ କରାଯାଇଥିଲ । ଏହି ଘଟଣାରେ ଏକାଧିକ ସ୍ବାସ୍ଥ୍ୟକର୍ମୀ ଏବଂ ଅମ୍ବାଲା ଡିସିପି ଆହତ ହୋଇଥିଲେ । ଏହାପରେ ପୋଲିସ୍ ଗ୍ରାମର 30 ଜଣ ବ୍ୟକ୍ତିଙ୍କୁ ଗିରଫ କରିଛି । (ଏଜେନ୍ସି)