ନୂଆଦିଲ୍ଲୀ: ଓ୍ବାର୍କ ଫ୍ରମ୍ ହୋମ୍ର ଅବଧିକୁ ଜୁଲାଇ 31 ପର୍ଯ୍ୟନ୍ତ ବୃଦ୍ଧି କରାଯାଇଛି । ଲକ୍ ଡାଉନ୍ ପାଇଁ ଘରେ ରହି କାମ କରିବା ପାଇଁ ରହିଥିବା କୋହଳ ଅବଧିକୁ ବଢାଯାଇଛି । ପୂର୍ବରୁ ଏହାର ଅବଧି ଏପ୍ରିଲ୍ 30 ପର୍ଯ୍ୟନ୍ତ ରହିଥିଲା । କରୋନାର ମୁକାବିଲା ପାଇଁ କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ ବିଭିନ୍ନ ରାଜ୍ୟର ଆଇଟି ମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି। ଭିଡିଓ କନଫରେନ୍ସିଂରେ ହୋଇଥିବା ଏହି ଆଲୋଚନାରେ କେନ୍ଦ୍ରମନ୍ତ୍ରୀ ଘରୁ କାମ କରିବା ଉପରେ ଗୁରୁତ୍ୱ ଦେଇଛନ୍ତି। ବର୍ତ୍ତମାନ ଦେଶର ପ୍ରାୟ 85ପ୍ରତିଶତରୁ ଅଧିକ ଆଇଟି ସେକ୍ଟରର କାର୍ଯ୍ୟ ଘରେ ରହି କରାଯାଉଥିବା ସେ ସୂଚନା ଦେଇଛନ୍ତି।
