ଭୁବନେଶ୍ବର : ଚାରି କରୋନା ଆକ୍ରାନ୍ତଙ୍କ ତଥ୍ୟ ଦେଲେ ରାଜ୍ୟ ସରକାର । ଚାରି ଆକ୍ରାନ୍ତଙ୍କ ମଧ୍ୟରୁ ତିନି ଜଣ କୋଲକତା ଫେରନ୍ତା ରହିଛନ୍ତି । 119 ନମ୍ବର ଆକ୍ରାନ୍ତ ଜଣକ ଝାରସୁଗୁଡାର 18 ବର୍ଷୀୟା ଯୁବତୀ । ଯୁବତୀଙ୍କ ଘର ଝାରସୁଗୁଡା ବ୍ରଜରାଜନଗର ବ୍ଲକ ଚୁଡିଜାମ ଗ୍ରାମରେ । 18 ବର୍ଷୀୟା ଯୁବତୀ କୋଲକାତା ବଡବଜାର ଗସ୍ତ କରିଥିଲେ । କିଛି ଯାତ୍ରୀଙ୍କ ସହ ଏକ ଭଡା ଗାଡ଼ିରେ ଘରକୁ ଫେରିଥିଲେ । 23ରୁ 29 ତାରିଖ ଯାଏଁ ହୋମ୍ କ୍ବାରେଣ୍ଟିନ୍ରେ ଥିଲେ ଯୁବତୀ । 29ରେ ପଜିଟିଭ୍ ସ୍ପଷ୍ଟ ପରେ ରାଉରକେଲା ହାଇଟେକ୍ ମେଡ଼ିକାଲରେ ଭର୍ତ୍ତି ହୋଇଛନ୍ତି ।
120 ନମ୍ବର ଆକ୍ରାନ୍ତ ଜଣକ ଭୁବନେଶ୍ବରର ମଧୁସୂଦନ ନଗରର 77 ବର୍ଷୀୟ ବୃଦ୍ଧ । 120 ନମ୍ବର ଆକ୍ରାନ୍ତ ପୂର୍ବରୁ ଚିହ୍ନଟ 41 ନମ୍ବର ପଜିଟିଭ୍ଙ୍କ ନିକଟ ସମ୍ପର୍କୀୟ । 22 ମାର୍ଚ୍ଚ ଲକ୍ ଡାଉନ୍ ଯାଏଁ ଘରେ ଥିଲେ 120 ନମ୍ବର ଆକ୍ରାନ୍ତ । ଗତ ସାତ ତାରିଖରେ ତାଙ୍କ ପରିବାରର ଜଣେ ପଜିଟିଭ୍ ଚିହ୍ନଟ ହୋଇଥିଲେ । 9 ତାରିଖରେ 120 ନମ୍ବର ଆକ୍ରାନ୍ତଙ୍କ ସାମ୍ପଲ୍ ପରୀକ୍ଷା ନେଗେଟିଭ୍ ଆସିଥିଲା । ପରେ ଥଣ୍ଡା, କାଶ ହେବାରୁ 104କୁ ଫୋନ୍ କରିଥିଲେ । ପୁନଃ ତାଙ୍କର ସାମ୍ପଲ୍ ନିଆଯାଇଥିଲା । ଏବେ ସାମ୍ପଲ୍ ପରୀକ୍ଷଣ ପରେ ତାଙ୍କଠାରେ ପଜିଟିଭ୍ ଥିବାର ଜଣାପଡିଥିଲା। ତାଙ୍କୁ ଭୁବନେଶ୍ବର କିମସ୍ରେ ଭର୍ତ୍ତି କରାଯାଇଛି । । 121 ନମ୍ବର ଆକ୍ରାନ୍ତ ଜଣକ କେନ୍ଦୁଝର ପଞ୍ଚୁପାଲିର 60 ବର୍ଷୀୟ ବୃଦ୍ଧ । କୋଲକତା ବଡବଜାରରୁ ଆଠ ଜଣ ଯାତ୍ରୀଙ୍କ ସହ ଗାଡ଼ିରେ 28ରୁ 29ରେ ଘରକୁ ଫେରିଥିଲେ । 31 ମାର୍ଚ୍ଚରୁ 29 ଏପ୍ରିଲ୍ ଯାଏଁ ବିଭିନ୍ନ ସ୍ଥାନ ବୁଲିଥିଲେ, ବଜାର ଯାଇଥିଲେ । 29 ଏପ୍ରିଲ୍ରେ ପଜିଟିଭ୍ ସ୍ପଷ୍ଟ ପରେ କଟକ ଅଶ୍ବିନୀର ଭର୍ତ୍ତି ହୋଇଛନ୍ତି ।
122 ନମ୍ବର ଆକ୍ରାନ୍ତ ଦେବଗଡ ବାସୁଦେବପୁର ସୁଗୁଡାର 34 ବର୍ଷୀୟ ଯୁବକ । ଏପ୍ରିଲ୍ 25ରୁ 26ରେ କୋଲକାତାରୁ ଟ୍ରକ୍ରେ ରେଢାଖୋଲ ଫେରିଥିଲେ । ଦେବଗଡ ଡିଏଚ୍ଏଚ୍କୁ ପରୀକ୍ଷା ପାଇଁ ଜଣାଇବା ପରେ 27ରେ ସାମ୍ପଲ୍ ସଂଗ୍ରହ କରାଯାଇଥିଲା । 29ରେ ତାଙ୍କ ନମୁନା ପଜିଟିଭ୍ ସ୍ପଷ୍ଟ ପରେ ରାଉରକେଲା ହାଇଟେକ୍ରେ ଭର୍ତ୍ତି କରାଯାଇଛି ।