ଭୁବନେଶ୍ବର, ଆଜି ସଂଧ୍ୟାରେ ଭୁବନେଶ୍ବରର ଚନ୍ଦ୍ରଶେଖରପୁରଠାରେ ଥିବା ରେଳ ସଦନ ନିକଟରେ ନିଆଁ ଲାଗିଛି। ଏହି ସଦନ ନିକଟରେ ଥିବା ଗେଷ୍ଟ ହାଉସ ଏହି ନିଆଁ ଲାଗିଥିବାର ଜଣାପଡିଛି। ତେବେ ନିଆଁ ଲାଗିବାର କାରଣ କଣ ଜଣାପଡି ନ ଥିଲେ ମଧ୍ୟ ସର୍ଟ ସର୍କିଟ ଯୋଗୁଁ ହୋଇଥିବାର ଅନୁମାନ କରାଯାଇଛି। ହେଲେ ନିଆଁ ଜୋରରେ ବ୍ୟାପିବା ଆରମ୍ଭ କରିଥିଲା। ଖବର ପାଇବା ପରେ ଅଗ୍ନିଶମ ବିଭାଗର ଦମକଳ ଆସି ନିଆଁ ଲିଭାଇବା କାମରେ ନିୟୋଜିତ ହୋଇଥିଲା। ହେଲେ ନିଆଁର ତିବ୍ରତା ଦେଖିବା ପରେ ପୁଣି ଏକ ଦମକଳ ଆସି ଏହି ନିଆଁ ଲିଭା କାମରେ ଲାଗିଥିଲା।
କିଛି ସମୟ ପରେ ବର୍ତ୍ତମାନ ନିଆଁକୁ ଆୟତ୍ତ କରାଯାଇପାରିଛି। ବର୍ତ୍ତମାନ ଲକ ଡାଉନ ଚାଲିଥିବା ବେଳେ ନିଆଁ କିପରି ଲାଗିଲା ତାହା ଆଶ୍ଚର୍ଯ୍ୟ କରିଛି। ବର୍ତ୍ତମାନ କୌଣସି ସ୍ଥାନରେ ହୋଟେଲ କିମ୍ବା ଚା ଦୋକାନ ମଧ୍ୟ ଖୋଲି ନାହିଁ। ତେବେ କେଉଁ କାରଣରୁ ନିଆଁ ଲାଗିଲା ସେ ଅନୁଧ୍ୟାନ ଚାଲିଛି।
Tags: Fire In Bhubaneswar
