ଭୁବନେଶ୍ବର : ଲକ୍ଡାଉନ୍ କଟକଣା ହଟିବା ପରେ ଭୁବନେଶ୍ବର ବିମାନ ବନ୍ଦ ନନ୍ ଟଚ୍ ଭାବରେ କାର୍ଯ୍ୟ କରିବ । ଏଣିକି ବିମାନ ବନ୍ଦରର ପ୍ରତ୍ୟେକ କାର୍ଯ୍ୟ ପରସ୍ପରକୁ ନଛୁଇଁ କରାଯିବ । ଟର୍ମିନାଲଟୁ ଆରମ୍ଭ କରି ସୁରକ୍ଷା ବ୍ୟବସ୍ଥା ଏବଂ ଟିକେଟ୍ ଚେକିଂ ପାଇଁ ମଧ୍ୟ ନନ୍ଟଚ୍ ବ୍ୟବସ୍ଥା କରାଯିବ । ଏପରିକି ବିମାନ ଯାତ୍ରା ସମୟରେ ମଧ୍ୟ ନନ୍ଟଚ୍ ବ୍ୟବସ୍ଥା ଆପଣାଯିବ । ଟିକେଟ୍ ଚେକିଂ ଏବଂ ଚେକ୍ ଇନ୍ ପାଇଁ ମଧ୍ୟ ଏକ ସ୍ବତନ୍ତ୍ର ମେସିନ୍ର ବ୍ୟବହାର କରାଯିବ ବୋଲି ଜଣାପଡିଛି । ଉଲ୍ଲେଖଯୋଗ୍ୟ ଯେ ପୂର୍ବରୁ କର୍ମଚାରୀ ମାନେ ଟିକେଟ ହାତରେ ଧରି ଯାଞ୍ଚ କରୁଥିଲେ ।
