ଭୁବନେଶ୍ବର : ଉପ ଜିଲ୍ଲାପାଳଙ୍କ ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହର କଲେ ଏମ୍କେସିଜି ମେଡିକାଲ କଲେଜର ଷ୍ଟାଫ୍ନର୍ସ । ଉପ ଜିଲ୍ଲାପାଳ, କୋଭିଡ୍ ହସ୍ପିଟାଲ ମୁଖ୍ୟ ଏବଂ ଏମ୍କେସିଜି ଅଧୀକ୍ଷକଙ୍କ ସହିତ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି । କାର୍ଯ୍ୟକ୍ଷେତ୍ରରେ ସୁରକ୍ଷା ପାଇଁ ଉପ ଜିଲ୍ଲାପାଳଙ୍କ ପକ୍ଷରୁ ଏସ୍ଓପି ପ୍ରଣୟନ କରାଯିବା ପରେ ଷ୍ଟାଫ୍ନର୍ସ ମାନେ ଧାରଣାରୁ ଓହରିଛନ୍ତି । ଏଣିକି ଷ୍ଟାଫ୍ ନର୍ସ ମାନଙ୍କ ରହିବା ପାଇଁ ପିଜି ହଷ୍ଟେଲର ବ୍ୟବସ୍ଥା କରାଯିବ । ଡ୍ୟୁଟି ସମୟରେ ଆବଶ୍ୟକ ପିପିଇ ଯୋଗାଇ ଦିଆଯିବ । ଏକ ମାସର ଡ୍ୟୁଟି ପରେ ବିଭିନ୍ନ ହୋଟେଲରେ ସେମାନଙ୍କର କ୍ବାରେଣ୍ଟିନ୍ର ବ୍ୟବସ୍ଥା କରାଯିବ । ଉପ ଜିଲ୍ଲାପାଳ ନର୍ସ ମାନଙ୍କ ସମସ୍ତ ସର୍ତ୍ତରେ ରାଜି ହେବା ପରେ ଆନ୍ଦୋଳନକୁ ପ୍ରତ୍ୟାହାର କରାଯିବ ବୋଲି ଜଣାପଡିଛି ।
Tags: mkcg, staffnurse
