ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଦେଶକୁ ସମ୍ବୋଧିତ କରି 20 ଲକ୍ଷ କୋଟିର ଏକ ବିଶେଷ ପ୍ୟାକେଜର ଘୋଷଣା କରିଛନ୍ତି । ଏହା ସହିତ ଭାରତକୁ ଆତ୍ମ ନିର୍ଭରଶୀଳ ହେବାକୁ ଗୁରୁତ୍ବାରୋପ କରିଛନ୍ତି । ପାଞ୍ଚୋଟି ସ୍ତମ୍ବ ଉପରେ ଆତ୍ମ ନିର୍ଭର ଭାରତ ସୁଦୃଢ ରହି ପାରିବ ବୋଲି କହିଛନ୍ତି ମୋଦି । ସେହି ପାଞ୍ଚୋଟି ସ୍ତମ୍ବ ବା ପିଲାର୍ ହେଉଛି –
- ଅର୍ଥନୀତି : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ଦେଶର ଅର୍ଥନୀତିକୁ ଦ୍ରୁତ ଗତିରେ ଆଗକୁ ବଢାଇବାକୁ ପଡିବ । କେବଳ ଦ୍ରୁତ ଗତି ନୁହେଁ ବରଂ କ୍ବାଣ୍ଟମ୍ ଜମ୍ପ୍ ଲଗାଇବାକୁ ପଡିବ ବୋଲି କହିଛନ୍ତି ମୋଦି ।
- ଇନ୍ଫାଷ୍ଟ୍ରକ୍ଚର (ଭିତ୍ତିଭୂମି) : ଦେଶରେ ଏପରି ଇନ୍ଫାଷ୍ଟ୍ରକଚର ବା ଭିତ୍ତିଭୂମି ପ୍ରସ୍ତୁତ ହେବ, ଯାହା ଆଧୁନିକ ହେବା ସହିତ ଦେଶକୁ ଆଗକୁ ବଢାଇବାରେ ସାହାଯ୍ୟ କରିବ ବୋଲି କହିଛନ୍ତି ପ୍ରଧାନମନ୍ତ୍ରୀ ।
- ସିଷ୍ଟମ (ବ୍ୟବସ୍ଥା ) : ଆମକୁ ଏପରି ଏକ ସିଷ୍ଟମ୍ ପ୍ରସ୍ତୁତ କରିବାକୁ ପଡିବ, ଯାହା ଦେଶର ଏକବିଂଶ ଶତାବ୍ଦୀର ସ୍ବପ୍ନକୁ ସାକାର କରିବ ।
- ଡେମୋଗ୍ରାଫି : ଆମ ଦେଶ ହେଉଛି ଯୁବକଙ୍କ ଦେଶ । ଏହାହିଁ ଆମର ଶକ୍ତିର ଉତ୍ସ , ଯେଉଁମାନେ ଆମ ଦେଶକୁ ଆଗକୁ ବଢାଇବାରେ ନିର୍ଣ୍ଣାୟକ ଭୂମିକା ଗ୍ରହଣ କରିବେ ବୋଲି କହିଛନ୍ତି ମୋଦି ।
- ଡିମାଣ୍ଡ : ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଭାରତ ବିଶ୍ୱ ପାଇଁ ଏକ ବଜାର ଏବଂ ସର୍ବାଧିକ ଚାହିଦା କ୍ଷେତ୍ର, ଏହାକୁ ସଠିକ୍ ଭାବରେ ବ୍ୟବହାର କରିବା ଆବଶ୍ୟକ। ଅର୍ଥବ୍ୟବସ୍ଥାରେ ଡିମାଣ୍ଡ ଓ ସପ୍ଲାଇର ଚେନ୍ର ଯେଉଁ ଚକ୍ର ଅଛି, ତାହା ହେଉଛି ଆମର ଶକ୍ତି । ଏହି କ୍ଷମତାକୁ ସଠିକ ରୂପେ ବ୍ୟବହାର କରିବା ଆବଶ୍ୟକ ବୋଲି କହିଛନ୍ତି ମୋଦି ।
