ଭୁବନେଶ୍ବର : ରାସ୍ତାରେ ଚାଲି ଚାଲି ଯାଉଥିବା ବେଳେ ପ୍ରାଣ ହରାଇଛନ୍ତି ଜଣେ ପ୍ରବାସୀ ଶ୍ରମିକ । ଚାଲି ଚାଲି ଫେରୁଥିବା ବେଳେ ସୋନପୁର କଳାପଥର ନିକଟରେ ସଂଜ୍ଞାହୀନ ହୋଇ ପଡିଯାଇଥିଲେ । ପ୍ରବାସୀ ଜଣକ ମୁମ୍ବାଇରୁ ହାଓଡା ଫେରୁଥିବା ବେଳେ ଏହି ଅଭାବନୀୟ ଘଟଣା ଘଟିଥିଲା । ଏକ ଗାଡିରୁ ଓହ୍ଲାଇ 3 କିମି ଚାଲିବା ପରେ କଳାପଥର ନିକଟରେ ହଠାତ୍ ଚେତା ହରାଇ ପଡିଯାଇଥିଲେ । ପରେ ତାଙ୍କୁ ମୃତ ଘୋଷଣା କରାଯାଇଥିଲା । ମୃତ ପ୍ରବାସୀ ଜଣକ ପଡୋଶୀ ରାଜ୍ୟ ପଶ୍ଚିମବଙ୍ଗର ନାଗରିକ ବୋଲି ଜଣାପଡିଛି ।
