ଭୁବନେଶ୍ବର : କେରଳରେ ଫସି ରହିଥିବା 169 ଜଣ ଓଡ଼ିଆ ଝିଅ ଆଜି ଓଡ଼ିଶା ଫେରିଛନ୍ତି । ଏକ ସ୍ବତନ୍ତ୍ର ବିମାନ ଯୋଗେ ଏହି ଝିଅମାନେ ଆସି ଭୁବନେଶ୍ବରରେ ଓହ୍ଲାଇଛନ୍ତି । ଏର୍ଣ୍ଣାକୁଲମ୍ର ଏକ କପଡା କାରଖାନାରେ କାମ କରୁଥିଲେ ଏହି ଝିଅମାନେ । ଲକ୍ ଡାଉନ୍ ଯୋଗୁଁ ଏର୍ଣ୍ଣାକୁଲମ୍ରେ ଫସି ରହିଥିଲେ ଏହି ଯୁବତୀମାନେ । ଫେରିଥିବା ସମସ୍ତ ଝିଅମାନେ କେନ୍ଦ୍ରାପଡା ରାଜନଗର ଅଞ୍ଚଳର ବୋଲି ସୂଚନା ରହିଛି । ବର୍ତ୍ତମାନ ସୁଦ୍ଧା ରାଜ୍ୟକୁ ପ୍ରାୟ ସାଢେ ତିନି ଲକ୍ଷ ପ୍ରବାସୀ ଫେରିଲେଣି ଓ ଆହୁରି ଅନେକ ପ୍ରବାସୀ ଆଗକୁ ଫେରିବେ ବୋଲି ସୂଚନା ରହିଛି ।
