ନୂଆଦିଲ୍ଲୀ : ଭାରତ ଏବଂ ଚୀନ୍ ସୀମାବିବାଦକୁ ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଉଥିବା ବେଳେ ଏହାକୁ ନେଇ ସ୍ପଷ୍ଟୀକରଣ ଦେଇଛନ୍ତି ସ୍ଥଳସେନା ମୁଖ୍ୟ ଏମ୍ ଏମ୍ ନରାଓ୍ବଣେ । ଚୀନ୍ ସହିତ ସୀମା ବିବାଦ ନିୟନ୍ତ୍ରଣରେ ରହିଛି ବୋଲି ସ୍ଥଳସେନା ମୁଖ୍ୟ ମତ ଦେଇଛନ୍ତି । ଉଭୟ ଦେଶ ମଧ୍ୟରେ ହୋଇଥିବା ଆଲୋଚନା ସଫଳ ହୋଇଛି ବୋଲି ନରାଓ୍ବଣେ ମତ ଦେଇଛନ୍ତି । ଉଭୟ ଦେଶର ସରକାରୀ ଅଧିକାରୀ ଏବଂ ସେନାଧିକାରୀଙ୍କ ମଧ୍ୟରେ ହୋଇଥିବା ଆଲୋଚନା ସଫଳ ହୋଇଛି ଏବଂ ମୁଁ ଦେଶବାସୀଙ୍କୁ ଆଶ୍ବାସନା ଦେଉଛି କି ସ୍ଥିତି ନିୟନ୍ତ୍ରଣାଧୀନ ରହିଛି ବୋଲି ନରାଓ୍ବଣେ ମତ ଦେଇଛନ୍ତି । ନେପାଳ ସହିତ ଭାରତର ଭୌଗଳିକ, ଐତିହାସିକ ଏବଂ ସାଂସ୍କୃତିକ ସମ୍ପର୍କ ରହିଛି । ସେହିପରି ଭାରତ ଓ ନେପାଳ ମଧ୍ୟରେ ସମ୍ପର୍କ ପୁରାତନ ଏବଂ ସଠିକ୍ ରହିଛି ବୋଲି ନରାଓ୍ବଣେ ମତ ଦେଇଛନ୍ତି । (ଏଜେନ୍ସି)
