ଭୁବନେଶ୍ବର : ରାଜଧାନୀ ଭୁବନେଶ୍ବରରୁ ଆଜି ଆଉ 5 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଚିହ୍ନଟ 5 ଆକ୍ରାନ୍ତଙ୍କ ମଧ୍ୟରୁ 3 ଜଣ ହୋମ୍ କ୍ବାରେଣ୍ଟିନ୍ରେ ରହିଥିବା ବେଳେ 2 ଜଣ ସ୍ଥାନୀୟ ଆକ୍ରାନ୍ତ ବୋଲି ଜଣାପଡିଛି । ଚିହ୍ନଟ ହୋଇଥିବା ଦୁଇ ସ୍ଥାନୀୟ ଆକ୍ରାନ୍ତ ହେଉଛନ୍ତି ମହିଳା । ନୟାପଲ୍ଲୀ ବେହେରା ସାହିର ଜଣେ 37 ବର୍ଷୀୟ ମହିଳା ରହିଥିବା ବେଳେ ଅନ୍ୟ ଜଣେ 28 ବର୍ଷୀୟା ମହିଳା ଏକ ଘରୋଇ ହସ୍ପିଟାଲରେ କାର୍ଯ୍ୟରତ । ସେହିପରି ହୋମ୍ କ୍ବାରେଣ୍ଟିନ୍ରେ ରହିଥିବା 3 ଜଣ ଚିନ୍ତାମଣିଶ୍ବର, ପଟିଆ ଏବଂ କୋଳଥିଆର ବୋଲି ଜଣାପଡିଛି । 5 ଜଣଙ୍କୁ ମିଶାଇ ଭୁବନେଶ୍ବରରେ ଆକ୍ରାନ୍ତଙ୍କ ସଂଖ୍ୟା 127ରେ ପହଞ୍ଚିଛି ।
