ଭୁବନେଶ୍ବର : ଆଜି ଭୁବନେଶ୍ବରରୁ 9 ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ଏହି 9 ଜଣଙ୍କ ମଧ୍ୟରୁ ଜଣେ ହୋମ୍ କ୍ବାରେଣ୍ଟିନରେ ରହିଥିବାବେଳେ 8 ଲୋକାଲ୍ କଣ୍ଟାକ୍ଟ କେସ୍ ରହିଛି ବୋଲି ବିଏମସି ସୂଚନା ଦେଇଛି ।
ହୋମ୍ କ୍ବାରେଣ୍ଟିନରେ ଥିବା ଆକ୍ରାନ୍ତ ଜଣକ 26 ବର୍ଷୀୟା ଯୁବତୀ ଜଣକ ଏୟାରପୋର୍ଟ କଲୋନୀରୁ ଚିହ୍ନଟ ହୋଇଛନ୍ତି । ସେ ନିକଟରେ ଦିଲ୍ଲୀରୁ ଫେରିଥିବାର ସୂଚନା ରହିଛି ।
ଶିରିପୁରରୁ 4 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ଆକ୍ରାନ୍ତଙ୍କ ମଧ୍ୟରେ ତିନିଜଣ ପୁରୁଷ ଓ ଜଣେ ମହିଳା ରହିଛନ୍ତି । ମହିଳାଙ୍କ ବୟସ 38 ବର୍ଷ ହୋଇଥିବାବେଳେ ପୁରୁଷଙ୍କ ବୟସ ଯଥାକ୍ରମେ 31, 50 ଓ 18 ବର୍ଷ ରହିଛି । ଏହି ଆକ୍ରାନ୍ତମାନଙ୍କର ଲକ୍ଷ୍ମୀବଜାର ବସ୍ତିର ଲିଙ୍କ୍ ରହିଥିବାର ସୂଚନା ରହିଛି ।
ସେହିପରି ଜଣେ 52 ବର୍ଷୀୟ ଘରୋଇ ସିକ୍ୟୁରିଟି ଗାର୍ଡ କରୋନାରେ ଆକ୍ରାନ୍ତ ହୋଇଛନ୍ତି । ସେ ଆରବିଆଇ ଅଫିସ୍ ପାଖରୁ ଚିହ୍ନଟ ହୋଇଛି । ସେହିପରି ଘରୋଇ ହସ୍ପିଟାଲରୁ ତିନିଜଣ କର୍ମଚାରୀ ଚିହ୍ନଟ ହୋଇଛନ୍ତି । ଏହି ଆକ୍ରାନ୍ତ ବୟସ ଯଥାକ୍ରମେ 38, 42, 41 ବର୍ଷ ବୋଲି ସୂଚନା ରହିଛି । ସେହିପରି ଆଜି ଭୁବନେଶ୍ବରରୁ 10 ଜଣ ସୁସ୍ଥ ହୋଇଛନ୍ତି ।
ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ବରରେ ମୋଟ୍ ଆକ୍ରାନ୍ତଙ୍କ ସଂଖ୍ୟା 283ରେ ପହଞ୍ଚିଛି । ଏପର୍ଯ୍ୟନ୍ତ ଭୁବନେଶ୍ବର ସହରରୁ 148 ଜଣ ସୁସ୍ଥ ହୋଇଥିବାବେଳେ ତିନି ଜଣଙ୍କର ମୃତ୍ୟୁ ହୋଇଛି । ଏବେ ସୁଦ୍ଧା ଭୁବନେଶ୍ବରରେ 131ଟି ସକ୍ରିୟ ମାମଲା ରହିଛି ।