ପୁଣେ : ମହାରାଷ୍ଟ୍ରର ପୁଣେ ନିକଟ ଗ୍ରାମର ଏକ ଅଭାବନୀୟ ଘଟଣା ଦେଖିବାକୁ ମିଳିଛି । କୋଭିଡ-19 କଣ୍ଟେନମେଣ୍ଟ ଜୋନ୍ ଘୋଷଣା ହେବା କାରଣରୁ ଗ୍ରାମରେ ପ୍ରବେଶ କରିବାକୁ ମନା କରିବାରୁ ଦମ୍ପତି ଦୁହେଁ ବିଷ ଖାଇଦେଇଛନ୍ତି । ଏହି ଘଟଣାରେ 40 ବର୍ଷୀୟା ମହିଳାଙ୍କର ମୃତ୍ୟୁ ହୋଇଥିବାବେଳେ ତାଙ୍କ ସ୍ବାମୀ ଜଣକ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଗ୍ରାମରେ କରୋନା ଭାଇରସ୍ ମାମଲା ସାମ୍ନାକୁ ଆସିବା ପରେ ପ୍ରବେଶ ଉପରେ କଟକଣା ଲଗାଇଥିଲା ।
ମିଳିଥିବା ସୂଚନା ଅନୁସାରେ ପୁଣେ ଜିଲ୍ଲାର ଜୁନାର ତହସିଲ୍ ଅନ୍ତର୍ଗତ ଉମ୍ବରାଜ ଗ୍ରାମରେ ଥିବା ନିଜକୁ ଘରକୁ ଯିବା ପାଇଁ ଦମ୍ପତି ଦୁହେଁ ଚାହୁଁଥିବାବେଳେ କଣ୍ଟେନମେଣ୍ଟ ଜୋନ୍ରେ ପ୍ରବେଶକୁ ନେଇ ଦୁହିଁଙ୍କର ପୋଲିସ କର୍ମୀଙ୍କ ସହ ଝଗଡା ହୋଇଥିବାର ସୂଚନା ରହିଛି ।
ଦମ୍ପତି ଦୁହେଁ ପୋଲିସ୍କର୍ମୀଙ୍କୁ ବ୍ୟାରିକେଡ୍ ହଟାଇବାକୁ କହିଥିଲେ । କିନ୍ତୁ ପୋଲିସ୍ କର୍ମୀ ଓ ସ୍ଥାନୀୟ ଗ୍ରାମ ସମିତିଙ୍କ ସଦସ୍ୟ ତାଙ୍କୁ ପ୍ରବେଶ କରିବାକୁ ଦେଇନଥିଲେ ଏବଂ ତାଙ୍କୁ ଅଲଗା ରାସ୍ତାରେ ଯିବାକୁ କହିଥିଲେ । ଦମ୍ପତିଙ୍କୁ କେବଳ କଣ୍ଟେନମେଣ୍ଟ ଜୋନ୍ରେ ପ୍ରବେଶ କରିବାକୁ ଅନୁମତି ଦିଆଯାଇନଥିଲା କିନ୍ତୁ ତାଙ୍କର ଉପରେ କୌଣସି ବଳପ୍ରୟୋଗ କରାଯାଇନଥିଲା ବୋଲି କହିଛନ୍ତି ଏସ୍ପି । କିନ୍ତୁ ଦମ୍ପତି ଦୁହେଁ କୀଟନାଶକ ପିଇ ଦେଇଥିଲେ । (ଏଜେନ୍ସି)