ଭୁବନେଶ୍ବର : ଭୁବନେଶ୍ବର ୟୁନିଟ୍ -4 ମାର୍କେଟକୁ ବନ୍ଦ ରଖିବାକୁ ବିଏମ୍ସି ନିଷ୍ପତ୍ତି ନେଇଛି । ୟୁନିଟ୍ -4 ମାର୍କେଟ୍କୁ ଲାଗି ରହିଥିବା ମାର୍କେଟ୍ ବି ବନ୍ଦ ରହିବ ବୋଲି ସୂଚନା ରହିଛି । କରୋନା ସଂକ୍ରମଣ ରୋକିବା ପାଇଁ କଟକଣା ଜାରି କରିଛି ବିଏମ୍ସି । ପରବର୍ତ୍ତୀ ନିର୍ଦ୍ଦେଶାନାମା ପର୍ଯ୍ୟନ୍ତ ଏହି କଟକଣା ବଳବତ୍ତର ରହିବ ବୋଲି ବିଏମ୍ସି ସୂଚନା ଦେଇଛି । ଭୁବନେଶ୍ବର ସହରରେ ଲୋକାଲ୍ କେସ୍ ବଢୁଥିବାରୁ କଡା ପଦକ୍ଷେପ ଗ୍ରହଣ କରୁଛି ବିଏମ୍ସି ।
ସୂଚନାଯୋଗ୍ୟ, କରୋନା ସଂକ୍ରମଣ ବୃଦ୍ଧିକୁ ଦେଖି ରାଜ୍ୟ ସରକାର ଆଜି ରାତ୍ରି 9 ଘଟିକାଠାରୁ ଗଞ୍ଜାମ, ଯାଜପୁର, କଟକ ଓ ଖୋର୍ଦ୍ଧା ଜିଲ୍ଲା ସମେତ ରାଉରକେଲା ମହାନଗର ନିଗମକୁ 14 ଦିନିଆ ଲକ୍ଡାଉନ୍ ଘୋଷଣା କରିଛନ୍ତି ।