ଭଦୋଦରା, ସୀମାରେ ଅହରାତ୍ର ପହରା ଦେଉଥିବା ବୀର ଭାରତୀୟ ଯବାନଙ୍କ ପାଇଁ 12 ହଜାରରୁ ଅଧିକ ରାକ୍ଷୀ ସଂଗ୍ରହ କରିଛନ୍ତି ଗୁଜରାଟ ଭଦୋଦରାର ଏକ ମହିଳା ଗୋଷ୍ଠୀ। ଦେଶ ବିଦେଶର ବିଭିନ୍ନ ସ୍ଥାନରୁ ଏହି ସବୁ ରାକ୍ଷୀ ଆସି ପହଞ୍ଚିଛି ସେମାନଙ୍କ ପାଖରେ। ରକ୍ଷା ବନ୍ଧନରେ ବନ୍ଧନ ଆଗକୁ ଥିବାରୁ ଏସବୁ ରାକ୍ଷୀ ସେମାନଙ୍କୁ ପଠାଇବାକୁ ଯୋଜନା ରଖିଛନ୍ତି ଏହି ମହିଳା ଗୋଷ୍ଠୀ।
ଏମାନେ ପ୍ରତିବର୍ଷ ସୀଆଚେନ, କାରଗିଲ ଆଦି ସୀମାରେ ମୁତୟନ ହୋଇଥିବା ଭାରତୀୟ ଯବାନଙ୍କୁ ଭାଇ-ଭଉଣୀର ସମ୍ପର୍କର ଡୋରିରେ ବାନ୍ଧିବା ଏବଂ ସେମାନଙ୍କ ମନୋବଳ ବଢାଇବା ପାଇଁ ରାକ୍ଷୀ ପଠାଇଥାନ୍ତି। ଏବର୍ଷ କାରଗିଲ, ସିଆଚେନ ସମେତ ଗଲୱାନକୁ ମଧ୍ୟ ରାକ୍ଷୀ ପଠାଇବା ଲାଗି ସେମାନଙ୍କର ଯୋଜନା ରହିଛି। ଏଥିପାଇଁ ବିଭିନ୍ନ ସ୍ଥାନରୁ ରାକ୍ଷୀ ବି ଆସି ପହଞ୍ଚିଗଲାଣି।
ହେଲେ ଏବର୍ଷ କରୋନା କଟକଣା ଥିବାରୁ ରାକ୍ଷୀ ପଠାଇବା ନେଇ ସେମାନେ ଦ୍ବନ୍ଦ୍ବରେ ଅଛନ୍ତି। ତଥାପି ରାକ୍ଷୀ ପଠାଇବାର ବ୍ୟବସ୍ଥା କରିବେ ବୋଲି ଆଶା ରଖିଛନ୍ତି।
Tags: 12 ହଜାରରୁ ଅଧିକ ରାକ୍ଷୀ
