ରମେଶ ମହାନ୍ତି
ଜଗତସିଂହପୁର : ଜଗତସିଂହପୁର ଜିଲ୍ଲାରୁ ଆଜି ୩୫ ଜଣ ପଜିଟିଭ୍ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ପାରାଦ୍ବୀପରୁ ୧୬ଜଣ, ବାଲିକୁଦା ବ୍ଲକରୁ ୧୨ଜଣ, ବିରିଡ଼ି ବ୍ଲକରୁ ୨ଜଣ, ଜଗତସିଂହପୁର ବ୍ଲକରୁ ୨ଜଣ, ଜଗତସିଂହପୁର ମ୍ୟୁନିସିପାଲିଟିରୁ ୨ଜଣ ଓ ରଘୁନାଥପୁର ବ୍ଲକରୁ ଜଣେ ଚିହ୍ନଟ ହୋଇଛନ୍ତି।
ସେହିପରି ପାରାଦ୍ବୀପରୁ ବାହାରିଥିବା ୧୬ଜଣ ଆକ୍ରାନ୍ତଙ୍କ ମଧ୍ୟରୁ ୧୪ଜଣ କ୍ୱାରେଣ୍ଟାଇନରେ ଥିଲେ ,ତାଙ୍କ ମଧ୍ୟରୁ ୧୩ଜଣ ବିହାର,ଜଣେ ରାଜସ୍ଥାନ ଫେରନ୍ତା ପ୍ରବାସୀ ହୋଇଥିବା ବେଳେ ୨ଜଣ ଆଇ.ଓ.ସି.ଏଲ୍ ଟେକନିସିଆନ ଅଟନ୍ତି। ଆଉ ୨ଜଣ ହୋମ୍ କ୍ୱାରେଣ୍ଟାଇନରେ ଥିଲେ।
ବାଲିକୁଦାରୁ ବାହାରିଥିବା ୧୨ ଜଣ ଆକ୍ରାନ୍ତଙ୍କ ମଧ୍ୟରୁ ୧୧ଜଣ କ୍ଲଷ୍ଟର୍ ଲେବଲ୍ ଟି.ଏମ୍.ସି ଥିବା ବେଳେ ଜଣେ ହୋମ୍ କ୍ୱାରେଣ୍ଟାଇନରେ ଥିଲେ ଓ ସେମାନେ ମହାରାଷ୍ଟ୍ର, ଆନ୍ଧ୍ର ପ୍ରଦେଶ, ତାମିଲନାଡୁ, ହରିଆଣା, କର୍ଣ୍ଣାଟକ ଓ ଉତ୍ତରପ୍ରଦେଶ ଫେରନ୍ତା ପ୍ରବାସୀ ଅଟନ୍ତି। ସେହିପରି ବିରିଡିରୁ ବାହାରିଥିବା ୨ଜଣ ଆକ୍ରାନ୍ତଙ୍କ ମଧ୍ୟରୁ ଜଣେ ୱେଷ୍ଟବେଙ୍ଗଲ ଓ ଆଉଜଣେ ଗଜପତି ରୁ ଫେରନ୍ତା ପ୍ରବାସୀ ହୋଇଥିବା ବେଳେ ୨ଜଣଯାକ ଟି.ଏମ୍.ସି ରେ ଥିଲେ।
ସେହିପରି ଜଗତସିଂହପୁର ବ୍ଲକରୁ ବାହାରିଥିବା ୨ଜଣ ଆକ୍ରାନ୍ତ ୱେଷ୍ଟବେଙ୍ଗଲ ଓ ଆନ୍ଧ୍ରପ୍ରଦେଶ ଫେରନ୍ତା ପ୍ରବାସୀ ହୋଇଥିବା ସେମାନେ ଟି.ଏମ୍.ସି ରେ ଥିଲେ। ଜଗତସିଂହପୁର ମ୍ୟୁନିସିପାଲିଟିରୁ ବାହାରିଥିବା ୨ଜଣ ଆକ୍ରାନ୍ତ କର୍ଣ୍ଣାଟକ ଓ ଆନ୍ଧ୍ରପ୍ରଦେଶ ଫେରନ୍ତା ପ୍ରବାସୀ ହୋଇଥିବାବେଳେ ସେମାନେ ଟି.ଏମ୍.ସି ରେ ଥିଲେ। ସେହିପରି ରଘୁନାଥପୁରରୁ ବାହାରିଥିବା ଆକ୍ରାନ୍ତ ଜଣକ ୱେଷ୍ଟବେଙ୍ଗଲ ଫେରନ୍ତା ପ୍ରବାସୀ ହୋଇଥିବା ବେଳେ ସେ ଟି.ଏମ୍.ସି ରେ ଥିଲେ। ସେହିପରି ଜିଲ୍ଲାରେ ସମୁଦାୟ ୫୬୬ ଆକ୍ରାନ୍ତଙ୍କ ମଧ୍ୟରୁ ୩୭୮ ଜଣ ସୁସ୍ଥ ହୋଇଥିବା ବେଳେ ୧୮୭ ଜଣ ଆକ୍ରାନ୍ତ ଆକ୍ଟିଭ୍ ଅଛନ୍ତି ବୋଲି ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି।