ଭୁବନେଶ୍ବର : ଓଡ଼ିଶାରେ କରୋନା କାୟା ବିସ୍ତାର କରି ଚାଲିଥିବାବେଳେ ଆଜି ନବୀନ ପଟ୍ଟନାୟକ ଭ୍ୟାକସିନ୍ ସମ୍ପର୍କରେ ଅଦର ପୁନାଓ୍ବାଲାଙ୍କ ସହ ଆଲୋଚନା କରିଛନ୍ତି । ସେରମ ଇନ୍ଷ୍ଟିଚ୍ୟୁଟ୍ ସିଇଓ ଅଦର ପୁନାଓ୍ବାଲାଙ୍କ ସହ କଥା ହେଲେ ମୁଖ୍ୟମନ୍ତ୍ର ନବୀନ ପଟ୍ଟନାୟକ । କରୋନା ଭ୍ୟାକସିନ୍ ସମ୍ପର୍କରେ ଭିଡିଓ କନ୍ଫରେନ୍ସିଂ ଜରିଆରେ ଆଲୋଚନା କରିଛନ୍ତି ନବୀନ । ଭ୍ୟାକ୍ସିନର ସଫଳ ଅଗ୍ରଗତି ନେଇ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ ।
ଓଡ଼ିଶାକୁ ଟୀକା ଯୋଗାଣରେ ସହଯୋଗ ଆଶା କରିଛନ୍ତି ନବୀନ । କ୍ଲିୟରାନ୍ସ ମିଳିବା ପରେ ଓଡ଼ିଶାକୁ ଆଗ ଟୀକା ମିଳିବା ନେଇ ଆଶା ପ୍ରକାଶ ପାଇଛି । ଟୀକା ଅଗ୍ରଗତିକୁ ନିରୀକ୍ଷଣ କରୁଥିବାରୁ ମୁଖ୍ୟମନ୍ତ୍ରୀଙ୍କୁ ପୁନାଓ୍ବାଲା ପ୍ରଶଂସା କରିଛନ୍ତି । ଅଗଷ୍ଟ ମଧ୍ୟଭାଗରେ ଟିକାର ପରବର୍ତ୍ତୀ ପରୀକ୍ଷଣ ହେବ ବୋଲି କହିଛନ୍ତି ପୁନାଓ୍ବାଲା। ଅକ୍ଟୋବର-ନଭେମ୍ବର ବେଳକୁ ଟୀକା ପ୍ରସ୍ତୁତ ହୋଇଯିବ ବୋଲି କହିଛନ୍ତି ପୁନାଓ୍ବାଲା । ଟୀକା ପାଇଁ ସେରମ-ରାଜ୍ୟ ସରକାର ଯୋଗାଯୋଗରେ ରହିବେ ବୋଲି କହିଛନ୍ତି ପୁନାଓ୍ବାଲା ।