ରାଷ୍ଟ୍ରପତି ରାମନାଥ କୋବିନ୍ଦ ଅଦ୍ୟମ ସାହସ ଓ ଅସାଧାରଣ ବୀରତ୍ବର ପରିଚୟ ଦେଇଥିବା ସୈନିକ ତଥା ସେନାଙ୍କୁ ବୀରତ୍ବ ତଥା ବିଶିଷ୍ଟ ସେବା ପୁରଷ୍କାରରେ ସମ୍ମାନିତ କରିଛନ୍ତି। ରାଷ୍ଟ୍ରପତି ଭବନରେ ଆୟୋଜିତ ଏହି ଉତ୍ସବରେ ସେନାକର୍ମୀଙ୍କୁ ତାଙ୍କର ଶୌର୍ଯ୍ୟ ଓ ସେବା ପାଇଁ ପୁରସ୍କାରରେ ସମ୍ମାନିତ କରିଛନ୍ତି। ଏହି ପୁରସ୍କାରରେ ତିନୋଟି କିର୍ତ୍ତି ଚକ୍ର ଓ ୧୫ଟି ଶୌର୍ଯ୍ୟ ଚକ୍ର ସାମିଲ୍ ହୋଇଛି। ଦୁଇଟି କୀର୍ତ୍ତି ଚକ୍ର ଓ ଗୋଟିଏ ଶୌର୍ଯ୍ୟ ଚକ୍ର ମାତୃଭୂମି ପାଇଁ ପ୍ରାଣର ବାଜି ଲଗାଇଥିବା ସୈନିକଙ୍କୁ ମରଣୋତ୍ତର ଚକ୍ର ସମ୍ମାନ ଦିଆଯାଇଛି। କର୍ତ୍ତବ୍ୟ ପ୍ରତି ସମର୍ପଣ ଓ ପ୍ରତିବଦ୍ଧତା ପାଇଁ ୧୫ଟି ପରମ ବିଶିଷ୍ଟ ସେବା ପଦକ, ଉତ୍ତମ ଯୋଦ୍ଧା ସେବା ପଦ ଓ ବିଶିଷ୍ଟ ସେବା ପାଇଁ ବରିଷ୍ଠ ସୈନ୍ୟ ଅଧିକାରୀଙ୍କୁ ଅତି ବିଶିଷ୍ଟ ସେବା ପଦକ ପ୍ରଦାନ କରାଯାଇଛି। ରାଷ୍ଟ୍ରୀୟ ରାଇଫଲସ୍ର ସିପାହୀ ବ୍ରହ୍ମାପାଲ୍ ସିଂହ ତଥା କନେଷ୍ଟବଲ୍ ରାଜେନ୍ଦ୍ର କୁମାର ନୈଣଙ୍କୁ ମରଣୋତ୍ତର କିର୍ତ୍ତୀ ଚକ୍ର , କେନ୍ଦ୍ରୀୟ ରିର୍ଜଭ ପୋଲିସ୍ ବଳର ହେଡ୍ କନେଷ୍ଟବଳ ଧନାଓ୍ବେଡ ରବିନ୍ଦ୍ରଙ୍କୁ ମରଣୋତ୍ତର ଶୌର୍ଯ୍ୟ ଚକ୍ର ପ୍ରଦାନ କରାଯାଇଛି। ସେହିପରି ମେଜର ଆଦିତ୍ୟ କୁମାର, ଶୌର୍ଯ୍ୟ ଚକ୍ରରେ ସାମିଲ୍ ହୋଇଛନ୍ତି। ସେନା ପ୍ରମୁଖ ବିପିନ ରାଓ୍ବତ୍ଙ୍କୁ ପରମ ବିଶିଷ୍ଟ ପଦକ ମିଳିଥିବା ବେଳେ ସିଆରପିଏଫ୍ ମୁଖ୍ୟ କନେଷ୍ଟବଳ ଏଏସ୍ କୃର୍ଷ୍ଣ, କନେଷ୍ଟବଳ କେ ଦିନେଶ ରାଜା, କନେଷ୍ଟବଳ ପି କୁମାର, ସେନାର କ୍ୟାପ୍ଟେନ୍ ବି ଜେ ରାଜେଶ, କ୍ୟାପଟେନ୍ ପି ସିଂହ, ଗନର ରଂଜିତ ସିଂହ, କ୍ୟାପ୍ଟେନ୍ ପି ରାଜକୁମାର, ନାୟବ ସୁବେଦାର ବିଜୟ କୁମାର ଯାଦବ, ମେଜର ପବନ ଗୌତମ୍, ଇଂଜିନିଅର ମହେଶ ଏଚଏନ୍, କ୍ୟାପ୍ଟେନ୍ ଅଭିନବ ଚୌଧୁରୀ, ଲାନ୍ସ ନାୟକ ଅୟୁବ୍ ଅଲୀ ଓ ମେଜର୍ ଅମିତ୍ କୁମାରୀ ଡିମରୀ ପ୍ରମୁଖଙ୍କୁ ଶୋର୍ଯ୍ୟ ଚକ୍ରରେ ସମ୍ମାନିତ କରାଯାଇଥିଲା।
prez ramnath kovind honours indian army