ନ୍ୟୁଜିଲାଣ୍ଡର କ୍ରାଏଷ୍ଟଚର୍ଚ୍ଚ ସହରରେ ଥିବା ୨ଟି ମସଜିଦ୍ରେ ଭୟଙ୍କର ଗୁଳିକାଣ୍ଡ ଘଟିଛି। କେତେଜଣ ଆତତାୟୀ ଆଖିବୁଜା ଗୁଳିମାଡ଼ କରିଛନ୍ତି ଏହି ଘଟଣାରେ ୪୦ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି। ଏଥିରେ ବହୁ ସଂଖ୍ୟକ ଆହତ ମଧ୍ୟ ହୋଇଛନ୍ତି। ଏହି ଘଟଣାରେ ୪ଜଣ ସନ୍ଦିଗ୍ଧଙ୍କୁ ପୁଲିସ୍ ଧରିଥିବାବେଳେ ଆଉ କେତେଜଣ ବନ୍ଧୁକଧାରୀ ସହରରେ ସକ୍ରିୟ ଥିବାର ଜଣାପଡିଛି। ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଜେସିଣ୍ଡା ଆର୍ଡନ ଏହି ଘଟଣାକୁ ନ୍ୟୁଜିଲାଣ୍ଡ ଇତିହାସର ସବୁଠାରୁ କଳାଦିନ ବୋଲି କହିଛନ୍ତି। ତେବେ ଗୁଳିକାଣ୍ଡରେ ଅଳ୍ପକେ ବର୍ତ୍ତି ଯାଇଛି ନ୍ୟୁଜିଲାଣ୍ଡ ଗସ୍ତରେ ଯାଇଥିବା ବାଂଲାଦେଶ କ୍ରିକେଟ୍ ଟିମ୍। ନ୍ୟୁଜିଲାଣ୍ଡ ଗସ୍ତରେ ଥିବା ବେଳେ ବାଂଲାଦେଶ କ୍ରିକେଟ୍ ଟିମ୍ ମସଜିଦକୁ ନମାଜ କରିବାକୁ ଯାଇଥିବାବେଳେ ଗୁଳିକାଣ୍ଡ ଘଟିଥିଲା। ନ୍ୟୁଜିଲ୍ୟାଣ୍ଡରେ ଏଭଳି ଗଣହତ୍ୟା ଘଟଣା ଖୁବ୍ ବିରଳ। କାରଣ ଏଠାରେ ବନ୍ଧୁକକୁ ନେଇ କଡ଼ା ଆଇନ୍ ରହିଛି।
