ଗୋଟିଏ ପଟେ ପାକିସ୍ତାନ ଶାନ୍ତି ପାଇଁ ଉଦ୍ୟମ କରୁଥିବାର କହୁଥିବାବେଳେ ଆଉ ଗୋଟିଏ ପଟେ ଆତଙ୍କୀ କାର୍ଯ୍ୟକ୍ରମ ଚାଲୁ ରହିଛି। ଜମ୍ମୁ କାଶ୍ମୀରର ଶୋପିଆନାଠାରେ ଜଣେ ମହିଳା ସ୍ପେଶାଲ୍ ଅଫିସର୍ଙ୍କୁ ଆତଙ୍କୀ ଗୁଳିରେ ହତ୍ୟା କରିଛନ୍ତି। ଆଜି ୨.୪୦ ବେଳକୁ ଶ୍ରୀନଗରଠାରୁ ୬୦ କିଲୋମିଟର ଦୂର ଭେହିଲ୍ ଗାଁରେ ଖୁସ୍ବୁ ଜାନ୍ ନାମକ ଏହି ଏସ୍ପିଓଙ୍କ ଉପରକୁ ଆତଙ୍କବାଦୀମାନେ ଅତର୍କିତ ଭାବରେ ଗୁଳି ଚାଳନା କରିଥିବାରୁ ଏହି ଅଘଟଣ ଘଟିଛି। ତୁରନ୍ତ ତାଙ୍କୁ ସ୍ଥାନୀୟ ଏକ ହସ୍ପିଟାଲ ନିଆଯାଇଥିଲେ ମଧ୍ୟ ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଏହି ଘଟଣାପରେ ସେନା, ସ୍ବତନ୍ତ୍ର ଅପରେସନ୍ ଗ୍ରୁପ୍, ପୁଲିସ୍ ଓ ସିଆରପିଏଫ୍ ପକ୍ଷରୁ ସେହି ସ୍ଥାନକୁ ଘେରାଉ କରାଯାଇଛି।
