ପୁରୀ : ଏଣିକି ଜଗାର ଦର୍ଶନ ଅନ୍ଲାଇନ୍ରେ କରିପାରିବେ। ପରିଚୟପତ୍ର ଓ ତଥ୍ୟ ଦେଇ ଜଣେ ଅନଲାଇନ୍ରେ ବୁକିଂ କରିପାରିବେ। କେଉଁଦିନ ଏବଂ କେଉଁ ସମୟରେ ଦର୍ଶନ ସୁବିଧା ମିଳିବ, ସେନେଇ ଜଣାଇ ଦିଆଯିବ। ଅନଲାଇନ୍ ଜରିଆରେ ଶ୍ରୀଜଗନ୍ନାଥଙ୍କ ଦର୍ଶନ କରାଇବା ନେଇ ପ୍ରଶାସନ ବିଚାର ବିମର୍ଷ କରିଛି। ଏନେଇ ଜିଲ୍ଲାପାଳ ଖୁବ ଶୀଘ୍ର ନିଷ୍ପତ୍ତି ନେବେ ବୋଲି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ରାମଚନ୍ଦ୍ର ଦାସ ମହାପାତ୍ର ସୂଚନା ଦେଇଛନ୍ତି। ପ୍ରଥମେ ପୁରୀବାସୀ ଏବଂ ପରେ ଅନ୍ୟମାନଙ୍କୁ ଦର୍ଶନ ସୁବିଧା ମିଳିବ ବୋଲି ସୂଚନା ରହିଛି।
