ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗୋଳନ୍ଥରା ପୋଲିସ୍ ପକ୍ଷରୁ ସୋରଳ ଜଙ୍ଗସନ୍ ନିକଟରେ ଏକ ଜୁଆଆଡ୍ଡା ଉପରେ ଚଢ଼ାଉ କରାଯାଇ ୯ ଜଣ ଅଭିଯୁକ୍ତକୁ ଗିରଫ କରାଯାଇଥିବା ଜଣାପଡ଼ିଛି। ଘଟଣାରୁ ପ୍ରକାଶ ଯେ ଏହି ଅଂଚଳରେ ବହୁଦିନ ହେବ ଜୁଆଆଡ୍ଡାଟି ଚାଲିଥିଲା। ଆଜି ଗୋଳନ୍ଥରା ପୋଲିସ୍ କୌଣସି ବିଶେଷ ସୂତ୍ରରୁ ଖବର ପାଇ ସୋରଳ ଛକ ଅଂଚଳରେ ଚଢ଼ାଉ କରିଥିଲେ। ୮ ଜଣ ଜୁଆଡ଼ିକୁ ଗିରଫ କରାଯାଇଥିବାବେଳେ ଜୁଆଆଡ୍ଡାରୁ ୧ ଲକ୍ଷ ୮୦ ହଜାର ଟଙ୍କା ଜବତ ହୋଇଛି। ୫ଟି ମୋଟର ସାଇକେଲ୍କୁ ମଧ୍ୟ ପୋଲିସ୍ ଜବତ କରିଛି। ଏନେଇ ଗୋଳନ୍ଥରା ଥାନାରେ ୨୧୧/୧୨.୮.୨୦୨୦/ ୩ ଓପିଜି ଆକ୍ଟରେ ମାମଲା ରୁଜୁ ହୋଇଛି।
