କନ୍ଦର୍ପ ବେହେରା
ରେଢାଖୋଲ : ଗତକାଲି ସଂଧ୍ୟାରେ ରେଢାଖୋଲ ପୁଲିସ୍ ଲୁହାପଙ୍କ ପଂଚାୟତର କୁଟାସିଙ୍ଗା ପାଖରୁ ଜନୈକ ଯୁବକର ମୃତ ଦେହ ଉଦ୍ଧାର କରିଛି ।
ପ୍ରକାଶ ଯେ, ରେଢାଖୋଲ ଥାନା ଲୁହାପଙ୍କ ନିକଟସ୍ଥ କୁଟାସିଙ୍ଗା ଢାବାରେ କାମ କରୁଥିବା ସେହି ଗ୍ରାମର କିଶୋରୀ ବେହେରା ଢାବାରେ କାମ ସାରି ରାତିରେ ଘରକୁ ଫେରୁଥିଲେ ହେଲେ ସେ ଘରକୁ ନ ଫେରିବାରୁ ଘରଲୋକେ ଖୋଜାଖୋଜି କରିଥିଲେ । ଢାବାକୁ ଯାଇ ଦେଖନ୍ତି ତ କିଶୋରୀ ନାହିଁ । ଅପରାହ୍ନ ୪ ଘ ୩୦ ମିନିଟରେ ସେମାନେ ଢାବା ନିକଟ ଅନତୀ ଦୂରରେ କିଶୋରୀର ଶବ ପଡିଥିବା ଦେଖିବାକୁ ପାଇ ରେଢାଖୋଲ ପୋଲିସ୍ କୁ ଖବର ଦେଇଥିଲେ ।
ରେଢାଖୋଲ ପୋଲିସ୍ ଘଟଣା ସ୍ଥଳକୁ ଯାଇ ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ରେଢାଖୋଲ ଡାକ୍ତରଖାନାକୁ ପଠାଇଛି । ଆଜି ଶବ ବ୍ୟବଚ୍ଛେଦ ପରେ ହତ୍ୟା ନା ଆଉ କଣ ହୋଇଛି ତଦନ୍ତ ପରେ ଜଣା ପଡିବ ବୋଲି ରେଢାଖୋଲ ଥାନାଧିକାରୀ ପ୍ରଶାନ୍ତ କୁମାର ସାମଲ ପ୍ରକାଶ କରିଛନ୍ତି ।ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯିବ ବୋଲି ପୋଲିସ୍ କହିଛି ।
Tags:
