ଆସିକା : ଆସିକା ଥାନା ଅଞ୍ଚଳରୁ ମୃତଦେହ ଉଦ୍ଧାର କରାଯାଇଛି । ମନ୍ଦିର ପରିସରରେ ମହିଳାଙ୍କ ରକ୍ତାକ୍ତ ମୃତଦେହ ଠାବ କରାଯାଇଛି । ହରିଡାପଦର ଗାଁ ଶିବ ମନ୍ଦିର ପରିସରରେ ମହିଳାଙ୍କ ରକ୍ତାକ୍ତ ମୃତଦେହ ଠାବ ହୋଇଛି । ମହିଳାଙ୍କୁ କେହି ହତ୍ୟା କରିଥିବାର ମହିଳାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ତେବେ ଘଟଣାସ୍ଥଳରେ ପୋଲିସ୍ ପହଞ୍ଚି ଛାନ୍ଭିନ୍ ଆରମ୍ଭ କରିଛି । ତେବେ ପାରିବାରିକ କଳହ କାରଣରୁ ଏହି ହତ୍ୟାକାଣ୍ଡ ଘଟିଥିବାର ପୋଲିସ୍ ସନ୍ଦେହ କରିଛି।
ତେବେ ପ୍ରାଥମିକ ତଦନ୍ତରୁ ଜଣାପଡିଛି ଯେ, ଆଜି ସକାଳୁ ମନ୍ଦିର ପରିସରକୁ ପୂଜା ପାଇ ଆସିଥିଲେ ସମ୍ପୃକ୍ତ ମହିଳା ଜଣକ । ସେହି ମନ୍ଦିରରେ ସଫେଇ କାର୍ଯ୍ୟରେ ମହିଳାଙ୍କ ଦେଢଶୁର ନିୟୋଜିତ ରହିଥିଲେ । ମହିଳା ଜଣକ ପୂଜା ସାରି ମନ୍ଦିରରୁ ଫେରୁଥିବା ପୂର୍ବ ପ୍ରସ୍ତୁତି ଅନୁଯାୟୀ ଦେଢଶୁର ଜଣକ ଏକ ଲୁହା ରଡ୍ରେ ଅତର୍କିତ ଭାବରେ ଭାଇବୋହୂଙ୍କୁ ଆକ୍ରମଣ କରିଥିଲେ । ଘଟଣାସ୍ଥଳରେ ମହିଳାଙ୍କର ମୃତ୍ୟୁ ହୋଇଥିବାବେଳେ ପୋଲିସ୍ ଏନେଇ ତଦନ୍ତ ଆରମ୍ଭ କରିଛି । ଅପରପକ୍ଷରେ ଦେଢଶୁର ଜଣକ ଫେରାର ରହିଛନ୍ତି । ପୋଲିସ୍ ଏନେଇ କୌଣସି ସବିଶେଷ ସୂଚନା ଦେଇନଥିବାବେଳେ ତଦନ୍ତ ପରେ ଏହି ଘଟଣାର ପ୍ରକୃତ ସତ୍ୟ ପଦାକୁ ଆସିବ ବୋଲି ଜଣାପଡିଛି ।
