ଖୋର୍ଦ୍ଧା : ସାର୍ବଜନନୀ ସ୍ଥାନରେ ଗଣେଶ ପୂଜା ହେବ ନାହିଁ ବୋଲି ନିଷ୍ପତ୍ତି ନେଇଛି ଖୋର୍ଦ୍ଧା ଜିଲ୍ଲା ପ୍ରଶାସନ । ଡାକବାଜି ଯନ୍ତ୍ର ସାହାଯ୍ୟରେ ଏନେଇ ଜିଲ୍ଲାବାସୀଙ୍କୁ ସଚେତନ କରାଯାଇଛି। ସୂଚନାଯୋଗ୍ୟ, ଖୋର୍ଦ୍ଧାରୁ ସର୍ବାଧିକ କରୋନା ମାମଲା ଚିହ୍ନଟ ହେଉଥିବାବେଳେ ଏନେଇ ପ୍ରଶାସନ କଟକଣାକୁ ଅଧିକ କଡାକଡି କରୁଛନ୍ତି ।
ସେହିପରି ଟ୍ବିନ୍ ସିଟିରେ ଗଣେଶପୂଜା ଉପରେ କଟକଣା ଜାରି କରାଯାଇଛି।ଅପରପକ୍ଷରେ ଗଣେଶ ପୂଜାକୁ ନେଇ ହାଇକୋର୍ଟରେ ରୁଜୁ ହୋଇଥିବା ଜନସ୍ବାର୍ଥ ମାମଲାର ଶୁଣାଣି କରି ହାଇକୋର୍ଟ କହିଛନ୍ତି ଯେ, ପୂଜା ସମ୍ପର୍କରେ ନିଷ୍ପତ୍ତି ସ୍ଥାନୀୟ ପ୍ରଶାସନ ନେବେ । ସ୍ଥାନୀୟ ଅଞ୍ଚଳର ପରିସ୍ଥିତି ଦେଖି ପ୍ରଶାସନ ଅଧିକାରୀ ଏନେଇ ନିଷ୍ପତ୍ତି ନେବେ ବୋଲି ହାଇକୋର୍ଟ ସୂଚନା ଦେଇଛନ୍ତି । ଟୁଇନ୍ ସିଟିରେ କରୋନା ମାମଲା ବୃଦ୍ଧି ହୋଇଥିବା ଦେଖି ଗଣେଶ ପୂଜା ଉପରେ କଟକଣା ଲଗାଯାଇଛି ।