ଭୁବନେଶ୍ବର : ଆଜି ରାଜ୍ୟରୁ 10ଜଣଙ୍କ ଜୀବନ ନେଇଛି କରୋନା । ଗଞ୍ଜାମରୁ 4 ଜଣଙ୍କର ମୃତ୍ୟୁ ହୋଇଥିବାବେଳେ ଖୋର୍ଦ୍ଧା ଜିଲ୍ଲାରୁ2 ଜଣ ରହିଥବାବେଳେ ଅନୁଗୁଳ, କୋରାପୁଟ, ନୟାଗଡ ଓ ସୋନପୁରରୁ ଜଣେ ଲେଖାଏଁ ମୃତ୍ୟୁବରଣ କରିଥିବାର ସୂଚନା ଦେଇଛି ରାଜ୍ୟ ସ୍ବାସ୍ଥ୍ୟ ଓ ପରିବାର ବିଭାଗ ।
ଗଞ୍ଜାମରୁ ସର୍ବାଧିକ 4 ଜଣଙ୍କର ମୃତ୍ୟୁ ହୋଇଥିବାବେଳେ 2ଜଣ ମହିଳା ଓ 2 ଜଣ ପୁରୁଷ ରହିଛନ୍ତି । ଗଞ୍ଜାମର ମୃତକଙ୍କ ମଧ୍ୟରେ 42 ବର୍ଷୀୟ ପୁରୁଷ , 50 ବର୍ଷୀୟ ମହିଳା, ସତୁରୀ ବର୍ଷୀୟ ପୁରୁଷ ଓ ଅନ୍ୟ ଜଣେ 59 ବର୍ଷୀୟ ମହିଳା ରହିଛନ୍ତି ।
ସେହିପରି ଖୋର୍ଦ୍ଧାଜିଲ୍ଲା ଭୁବନେଶ୍ବରରୁ 2 ମୃତକଙ୍କ ପୁରୁଷହୋଇଥିବାବେଳେ ଦୁହିଁଙ୍କ ବୟସ ଯଥାକ୍ରମେ 70 ଓ 58 ବର୍ଷ ବୋଲି ସୂଚନା ରହିଛି । ସେହିପରି ଅନୁଗୁଳୁର 55 ବର୍ଷୀୟ ପୁରୁଷ ଆକ୍ରାନ୍ତଙ୍କ ମୃତ୍ୟୁହୋଇଥିବାବେଳେ କୋରାପୁଟର ଆକ୍ରାନ୍ତ ଜଣକ 35 ବର୍ଷୀୟ ମହିଳା । ସେହିପରି ନୟାଗଡ ଅଞ୍ଚଳର 61ବର୍ଷୀୟ ପୁରୁଷ ଆକ୍ରାନ୍ତଙ୍କ ମୃତ୍ୟୁ ହୋଇଥିବାବେଳେ ସୋନପୁରରୁ ମୃତ୍ୟୁ ଆକ୍ରାନ୍ତଙ୍କ ବୟସ 76 ବୋଲି ସୂଚନା ରହିଛି ।
ରାଜ୍ୟରେ ମୋଟ୍ ମୃତ୍ୟୁ ସଂଖ୍ୟା 390କୁ ବୃଦ୍ଧି ହୋଇଛି । ଗଞ୍ଜାମ ଜିଲ୍ଲାରେ 170କୁ ବୃଦ୍ଧି ହୋଇଛି । ସେହିପରି ଖୋର୍ଦ୍ଧା ଜିଲ୍ଲାରେ ଏହା 54କୁ ବୃଦ୍ଧି ହୋଇଛି । ସେହିପରି କୋରାପୁଟରେ 4ଜଣଙ୍କ ମୃତ୍ୟୁହୋଇଥିବାବେଳେ ଅନୁଗୁଳରେ ମଧ୍ୟ 4 ଜଣଙ୍କ ମୃତ୍ୟୁ ହୋଇଛି । ନୟାଗଡରେ କରୋନା ଜନିତ ମୃତ୍ୟୁସଂଖ୍ୟା 10କୁ ବୃଦ୍ଧି ହୋଇଛି ।